HomePsikologji

6 hile psikologjike që mund t’ju ndihmojnë të fitoni pikë me çdokënd

Çdo person është unik në mënyrën e vet, mirëpo të gjithë ndajmë të njëjtën natyrë njerëzore. Kjo na lejon të krijojmë lidhje me njerëz të tjerë dhe më e rëndësishmja, të zbulojmë hile për mënyrën e të menduarit. Nëse dëshironi të ndikoni në vendimet dhe mendimet e të tjerëve në situata të caktuara, duhet të mësoni këto 6 hile psikologjike që kanë një efekt të fuqishëm tek shumica e personave.

Krijoni një iluzion të zgjedhjes.

Nëse keni nevojë që dikush të bëjë diçka për ju, kërkoni një detyrë më të vështirë për të bërë përpara se të tregoni kërkesën tuaj origjinale. Pas refuzimit të gjërave më të mëdha, njerëzit kanë tendencë ta pranojnë kërkesën më lehtë. Kjo funksionon edhe kur përpiqesh të bindësh dikë. Jepuni atyre 2 opsione në të njëjtën kohë: gjëja që dëshironi dhe një detyrë tjetër më e vështirë për t’u arritur. Ajo që do të arrini me këtë është: të bëni që kërkesa juaj aktuale të duket më e thjeshtë pranë asaj të vështirës.

Mami e di se çfarë është më e mira.

Ju mund të tërhiqni vëmendjen ndaj fjalëve tuaja duke u thënë njerëzve se babai ose nëna juaj ju mësuan këtë. Njerëzit përputhen me një figurë të disiplinës tradicionale dhe do të respektojnë një nënë ose baba në mënyrë empatike duke menduar për prindërit e tyre. Shumica e njerëzve besojnë se fjalët e prindërve të tyre janë të thëna me gjithë zemër dhe kur ju i përmendni ata, bëheni më të besueshëm tek të tjerët. 

Merrni diçka hua.

Ju mund të vini re që dikush nuk ju pëlqen aq sa dëshironi. Kërkojuni atyre diçka të vogël për të marrë hua, mbase një libër për të cilin jeni i interesuar. Kjo së pari do të krijojë një lidhje të sikletshme mes jush, por pasi t’ia ktheni objektin që i morët, gjërat do të ndryshojnë.

Heshtja mund të jetë tërheqëse.

Gjatë një heshtjeje të sikletshme me një person që dëshironi të shoqëroheni, bëjuni pyetje për veten e tyre. Edhe personi më i qetë kënaqet të flasë për veten. Ata do t’ju pyesin diçka dhe biseda do të vazhdojë rrjedhshëm, duke e thyer kështu heshtjen.

Besimi i tërheq njerëzit.

Pasi të mbaroni së foluri gjatë bisedimeve, thjesht shikoni njerëzit në sy dhe prisni në heshtje. Pamja juaj e vendosur do të ndikojë pozitivisht në perceptimin e të tjerëve për ato që sapo keni thënë. Nëse humbisni kontaktin me sy pas këtyre momenteve intensive, do të vëreni një humbje interesi pas një kohe të shkurtër.

Bëjini ata të ndihen të mëdhenj.

Përdorimi i fjalëve të sakta mund të bëjë një ndryshim të madh kur keni nevojë për ndihmë. Njerëzit kanë tendencë t’ju ndihmojnë me kërkesat tuaja nëse i paraqisni ato si një nder. Rritja e egos do të fillojë dhe ata do të ndjejnë sikur po ju japin një dhuratë. Provoni të përdorni fraza të thjeshta si, “Ju lutem më bëni një nder”, ose “Unë me të vërtetë kam nevojë për ndihmën tuaj”.


TË NGJASHME