Njerëzit të cilët kanë jetuar 100 vjeç dhe më tej shpesh pyeten se si duket dieta e tyre. Normalisht, ne presim të dëgjojmë përgjigje që përfshijnë fruta, perime, ose thjesht një dietë të ekuilibruar në përgjithësi. 

Sidoqoftë, ka disa njerëz, përgjigjet e të cilëve mund të jenë pak më specifike, dhe nganjëherë, edhe të pazakonta.

Ne kërkuam sekretet e tyre dhe zbuluam disa nga ushqimet nga dietat jo shumë të zakonshme të këtyre njëqindvjeçarëve.

1. Proshutë

Susannah Mushatt Jones jetoi deri në moshën 116 vjeç. Ajo ishte e njohur për konsumimin e 4 shiritave proshutë, vezë dhe grurë për mëngjes. Sipas mbesës së saj, Susannah ndonjëherë «merrte shiritin e fundit, e paloste në një pecetë, e fuste në xhep dhe e ruante për më vonë». Sigurisht, fakti që ajo flinte për rreth 10 orë çdo ditë mund të ketë kontribuar edhe në jetën e saj të gjatë.

2. Vezë të papërpunuara

E lindur në 1899, Emma Morano, e cila jetoi deri në moshën 117-vjeçare, kishte një dietë të pazakontë që filloi gjatë viteve të saj të adoleshencës. Për më shumë se 90 vjet të jetës së saj, ajo kishte përfshirë këto gjëra në dietën e saj: 3 vezë në ditë, me 2 prej tyre të papërpunuara. Morano gjithashtu kënaqej duke ngrënë biskota.

3. Çokollatë

Njeriu më i vjetër mosha e të cilës ishte e dokumentuar, ishte Jeanne Calment, e cila jetoi deri në moshën 122 vjeç. Ajo bënte një mënyrë jetese aktive dhe ishte në gjendje të ngiste një biçikletë deri në moshën 100-vjeçare. Ajo kënaqej duke ngrënë çokollatë dhe hante rreth 900 gram të saj çdo javë.

4. Patatinat

Matilda Curcia arriti 101 vjeç me një element kryesor të pazakontë në dietën e saj. Intervistat zbuluan se përveç rutinës së saj të përditshme të ushtrimeve, ajo gjithashtu konsumonte 3 pako patatina çdo natë.

5. Sushi

Duke jetuar për 117 vjet, Misao Okawa besonte se 2 faktorë kryesorë kontribuan në jetën e saj të gjatë: gjumi dhe sushi. Përveç se sigurohej që të bënte 8 orë gjumë çdo ditë, Okawa konsumonte edhe sushi.

6. Fileto peshku

Hendrikje van Andel-Schipper, ose e njohur si Hennie, ia atribuoi jetëgjatësinë e saj ngrënies së filetos së kripur të papërpunuar dhe pirjes së lëngut të portokallit. Kur ishte 82 vjeç, Hennie vendosi t’i dhurojë trupin e saj shkencës pas vdekjes së saj. Ajo jetoi deri në moshën 115 vjeç.

7. Pule e skuqur dhe akullore

Për Gertrude Baines, e cila jetoi deri në moshën 115 vjeç, proshuta nuk ishte e mjaftueshme. Dieta e saj e qëndrueshme përfshinte jo vetëm proshutë krokante, por edhe pulë të skuqur dhe akullore. Sipas stafit në shtëpinë e saj të pleqve, Baines ishte një grua modeste, e cila gjithashtu pëlqente të shihte Jerry Springer Show .

8. Coka Cola dietike

Theresa Rowley shijonte çdo ditë një kanaçe Cola dietike. Sigurisht, nuk mund të themi se ajo e ka pirë tërë jetën, pasi Rowley lindi në vitin 1914, 68 vjet para se të shitej pija. “E pi sepse më pëlqen”, tha ajo në një intervistë kur ishte 104 vjeç.