HomeSociale

97 kilogramë drogë nga Shkodra drejt Malit të Zi, arrestohet 21-vjeçari i shpallur në kërkim

Një 21-vjeçar, i shpallur në kërkim, është arrestuar nga policia në Shkodër Ditën e sotme.

Sipas policisë, i riu në prill të 2018 i riu ka tentuar që të trafikojë 97 kg marijuanë nëpërmjet Liqenit të Shkodrës.

Droga është kapur nga policia Malazeze në bregun e liqenit të Shkodrës në afërsi të PKK Hani i Hotit, ndërsa 21-vjeçari ishte shpallur në kërkim.

Mbi të rëndon akuza për veprën penale “Arrest në burg”, i dyshuar për veprat penale “Trafikimi i narkotikëve” kryer në bashkëpunim dhe “Dhuna në familje”.

Njoftimi i plotë i policisë:

Shkodër

Vijon puna për kapjen dhe ndalimin e personave të shpallur në kërkim.

Kapet dhe ndalohet 21-vjeçari i shpallur në kërkim për veprën penale “Trafikimi i narkotikëve”.

Nga Strukturat e Drejtorisë Vendore të Policisë Shkodër, në bazë të informacioneve të marra në rrugë operative u bë kapja dhe ndalimi i shtetasit E. H., 21 vjeç, banues në Koplik, Malësi e Madhe.

Ndalimi i tij u bë pasi Gjykata e Apelit Shkodër me vendim Nr.98 datë 08.05.2018, ka caktuar masën e sigurisë “Arrest në burg”, i dyshuar për veprat penale “Trafikimi i narkotikëve” kryer në bashkëpunim dhe “Dhuna në familje”.

Ky shtetas dyshohet se në bashkëpunim me një shtetas tjetër të shpallur në kërkim, më datë 11.04.2018 kanë tentuar të trafikojnë një sasi lënde narkotike prej 97 kg marijuanë nëpërmjet Liqenit të Shkodrës, e cila është kapur nga policia Malazeze në bregun e liqenit të Shkodrës në afërsi të PKK Hani i Hotit, në bashkëpunim me Policinë Vendore të Shkodrës dhe atë Kufitare

Materialet i kaluan Prokurorisë Pranë Gjykatës së Shkallës së Parë Shkodër për veprime të mëtejshme.


TË NGJASHME