HomeLajme

Aksidenti në Lezhë, detajet e para nga policia

Në vendin e njohur si “Kryqëzimi i Tales”, një automjet dhe një kamionçinë janë përplasur mesditën e sotme, duke lë të plagosur tre persona, një prej të cilëve është një vajzë 18-vjeçare.

Lezhë / Informacion paraprak

Tek “Kryqëzimi i Tales” ka ndodhur një aksident automobilistik ku janë përplasur mjeti tip kamionçinë me drejtues shtetasin M.Gj. 51 vjeç, banues në Kurbin dhe mjeti tip Audi me drejtues shtetasin L.Ç. 48 vjeç, banues në Shkoder.

Për pasojë është lënduar shtetasja D.Gj. 18 vjeçe , banuese në Rrubik e cila ishte këmbësore në vendin e aksidentit dhe është dërguar në spitalin e Traumes në Tiranë për ndihmë mjekësore më të specializuar, si dhe shtetasit B.M. 30 vjeç dhe F.Z. 50 vjeç, banuesë në Shkoder, pasagjerë në mjetin Audi të cilët kanë marrë mjekim në Spitalin Rajonal Lezhë dhe më pas janë larguar.

Grupi hetimor vazhdon veprimet në vendngjarje për zbardhjen e plotë të shkaqeve të aksidentit.


TË NGJASHME