HomePolitikë

Albin Kurti feston në Tiranë, mbledh mbështetësit e Vetëvendosjes

Ashtu siç ishte njoftuar nga qendra e Vetëvendosjes në Tiranë, pasditen e kësaj të diele, Albin Kurti mbërriti në kryeqytet.

Për herë të parë, një parti politike e Kosovës vjen në Tiranë për të festuar rezultatin zgjedhor me përkrahësit e saj.

Kurti mbërriti pak minuta më parë, ku i pyetur nga gazetari i Top Channel- it, Muhamed Veliu mbi çështjen e refuzimit të çeljes së negociatave për Shqipërinë dhe Maqedoninë, ai u shpreh:

“Padrejtësi që nuk u hapën negociatat në Shqipëri dhe Maqedoninë e Veriut. janë dy vende që duan [të jenë pjesë] dhe i duhen Bashkimit Evropian”.

Më tej specifikoi motivin e ardhjes së tij në tiranë.

“Kam ardhur për të festuar fitoren e Vetëvendosjes. Kosova dhe Shqipëria do të bashkëpunojnë më shumë. Duhet të kemi kujdes në marrëdhëniet me Serbinë, dihet çfarë ka bërë Serbia ndaj nesh”, u shpreh ai ndër të tjera.

Përsa i përket procesit të numërimit u shpreh:

“Nga numërimi na janë shtuar 484 vota më shumë, kemi më shumë se LDK.”


TË NGJASHME