HomeSociale

Ambientet e reja për COVID-19, Rama: Do ta bëjmë spital brenda 30 ditësh

Kryeministri i vendit Edi Rama dhe ministrja e Shëndetësisë, Ogerta Manstirliu panë sot ambientet e një ish-universiteti privat në Tiranë që do të kthehet në një spital karantinë për të sëmurët e prekur me koronavirus që janë drejt shërimit.

Rama tha se sfidë e qeverinë tani mbetet kthimi në spital për një afat prej 30 ditësh.

“Sfida jonë është që brenda 30 ditësh do ta bëjmë spital, nuk kemi pse mbajmë në spitalin Infektiv njerëz që janë në kushte të lehtësuara, por i çojmë këtu. Kështu i lehtësojmë edhe psikologjikisht mjekët”, tha Rama.

Ministrja e Shëndetësisë, Ogerta Manastiuliu shpjegoi se si do të adaptohen të gjitha hallka e nevojshme për të krijuar kushtet për të sëmurë me koronavirus drejt shërimit. Ajo thekson gjithashtu edhe lehtësirat që do të ofrojë ky spital.

“Çdo dhomë ka tualetin e saj, do të adaptohen për ata të sëmurë drejt shërimit. Në Kushte që mund të adaptohet shpejt, një farmaci, një depozitim të vendosjes së mbetjeve spitalore, një imazheri dhe laborator bazë. Do të bëhen edhe instalimet e oksigjenit në dhomat e caktuara, duke qenë se këtu do të shtrohen ato që janë në fazë shërimi, por do kenë asistencën e nevojshme. Na lehtëson se ka vendin e parkimit. dhe në një fazë të dytë zhvillimi mund të shërbejë si një strukturë spitalore, por që mund t’i shërbejnë universitetin. Mund të përshtatet edhe në plan afat gjatë. Brenda një afati 20 ditor neve do të fillojmë punën, ky është skenari i katër se tashmë i kemi kapacitet aktualisht”, shtoi Manastirliu.

K.S/GotaNews


TË NGJASHME