Kronikë Lajme

Arrestohen 3 persona, ja akuzat

Policia e Vlorës njofton se ka arrestuar 3 persona në Vlorë dhe Sarandë, të dyshuar për vepra të ndryshme penale.

Uniformat blu të qytetit jugor thonë se kanë arrestuar personat, nën akuzat për drogë, largimi i të burgosurit nga vendi i qëndrimit, armëmbajtje pa leje dhe plagosje të lehtë me dashje.

Njoftimi i policisë së Vlorës:

Vlorë

Policia ka arrestuar në flagrancë shtetasin S.M., 48 vjeç, banues në Vlorë.

Arrestimi i tij u bë në lagjen “Pavarësia” Vlorë pasi gjatë kontrollit të automjetit me të cilin ky shtetas udhëtonte u gjet një sasi lënde narkotike e dyshuar si heroinë me peshë 2.3 gramë.

Materialet iu referuan Prokurorisë për veprën penale “Prodhimi dhe shitja e narkotikëve”.

Policia ka arrestuar në flagrancë shtetasin V.B., 44 vjeç, banues në fshatin Dukat, Vlorë.

Arrestimi i tij u bë pasi ky shtetas ishte larguar nga vendi i qëndrimit të detyrueshëm pasi ka qenë me masë sigurie “Arrest në shtëpi” për veprën penale “Drejtimi i automjetit në mënyrë të parregullt”.

Materialet iu referuan Prokurorisë për veprën penale “Largimi i të burgosurit nga vendi i qëndrimit”.

—-

Sarandë, Policia ka bërë ndalimin e shtetasit O.K., 19 vjeç, banues në Gjirokastër.

Ndalimi i tij u bë pasi Prokuroria pranë Gjykatës së Shkallës së Parë Sarandë ka lëshuar urdhërin e ndalimit të tij si i dyshuar për veprat penale “Prodhim dhe shitje narkotikësh”, “Mbajtja pa leje e armëve të ftohta” dhe “Plagosja e lehtë me dashje”.

Related posts

Zgjedhjet lokale, regjistrohen në KQZ katër parti

Sërish alarm për bomba në Gjermani, evakuohen këshillat bashkiakë

admin

Punime në rrjet, ja zonat ku do të ndërpritet energjia elektrike

Klaudia gotanews
Na Kontaktoni!