Kronikë Lajme

Arrestohet burrelsi i shpallur në kërkim

Policia e Matit ka arrestuar një 28-vjeçar të shpallur në kërkim për kultivim kanabisi dhe prodhim e mbajtje pa leje të armëve dhe municioneve luftarake. Në pranga ka rënë i riu A. Gj., banues në Burrel.

Njoftimi i policisë:

Finalizohet operacioni policor “German”, i ndjekur me metoda speciale.

Operacioni për kapjen e personave në kërkim.

Kapet 28-vjeçari i shpallur në kërkim, me masë sigurie “Arrest në burg”, për veprat penale “Kultivimi i bimëve narkotike” dhe ” Prodhimi dhe mbajtja pa leje e armëve dhe municionit luftarak”.

Shërbimet e Komisariatit të Policisë Mat, në vijim të punës për kapjen e personave të shpallur në kërkim, kanë organizuar punën duke finalizuar operacionin policor “German”, si rezultat i të cilit u kap dhe arrestua shtetasi i shpallur në kërkim A.Gj., 28 vjeç, banues në Burrel.

Gjatë kontrollit të territorit të ushtruar nga Policia për parandalimin dhe goditjen e kultivimit të bimëve narkotike, në muajin korrik 2019, ky shetas në afërsi të banesës së tij, në një zonë të pyllëzuar në fshatin German, ka tentuar të kultivojë bimë narkotike të dyshuara Cannabis Sativa, në kubikë.

Nga kontrolli i ushtruar në banesë i janë gjetur dhe sekuestruar municion luftarak dhe vegla të ndryshme për pastrimin e armëve të zjarrit.

Materialet shtesë i kaluan Prokurorisë së Rrethit Gjyqësor Mat për veprime të mëtejshme.

Related posts

Horoskopi ditor

alketa

Ushtaraket shqiptare festojnë 8 Marsin

Mila

“Godet” ish- ministrja socialiste

Mila
Na Kontaktoni!