HomeLajme

Arrestohet shoferi që aksidentoi për vdekje 17-vjeçarin

Pak orë pas aksidentit të rëndë që i mori jetën një 17-vjeçari në Sauk, policia e Tiranës ka arrestuar drejtuesin e mjetit. Bëhet fjalë për shtetasin me inicialet F.F., i cili drejtonte mjetin tip ‘Benz’ teksa ka humbur kontrollin duke u përplasur me automjetin tip “Porsche”, i cili ishte ndaluar në sensin e djathtë të rrugës.

Si pasojë e përplasjes së fortë dhe dëmtimeve të marra, ka ndërruar jetë në spital shtetasi me inicialet K. V., si dhe janë dëmtuar dhe ndodhen jashtë rrezikut për jetën dhe disa shtetas të tjerë të cilët morën menjëherë mjekim në spital.

Drejtuesi i mjetit akuzohet për veprën penale “Shkelje e rregullave të qarkullimit rrugor”. Materialet hetimore i kaluan Prokurorisë pranë Gjykatës së Shkallës Parë Tiranë, për veprime të mëtejshme.


TË NGJASHME