HomeSport

Babbel: Edhe pas 100 vitesh stërvitje, Bolt nuk do të bëhet kurrë futbollist

Pas 8 medaljeve të arta olimpike në garat e shpejtësisë, atleti Usain Bolt është angazhuar totalisht për t’u bërë futbollist.

Xhamajkani ka nisur karrierën në Australi me skuadrën e Central Coast Mariners, me të cilën shënoi edhe dy gola në miqësoren e fundit.

Gjithsesi, ka nga ata që e mendojnë se Bolti e ka të kotë, pasi kurrë nuk do të mund të bëhet futbollist profesionist. Njëri prej tyre është edhe Marcus Babbel, ish-futbollist i Bayern Munchen dhe Liverpool, aktualisht trajner i skuadrës australiane Western Sydney Wanderers.

“E kam parë të luajë dhe me gjithë respektin, mund të them se as pas 100 vitesh stërvitje, nuk do të bëhet futbollist profesionist”, deklaroi Babbel.


TË NGJASHME