HomeLajme

Bordi vendos çmimet e reja për karburantet, nafta dhe benzina pësojnë ulje

Bordi i Transparencës ka caktuar sot çmimet e reja për pikat e shitjes së karburanteve në vendin tonë, ku vihet re një ulje e lehtë. Kështu, nafta do të shitet me 221 lekë/litri nga 226 që ishte deri tani. Ndërsa benzina ka zbritur nga 211 lekë në 207 dhe çmimi i gazit mbetet i pandryshuar, 81 lekë për litër.

VENDIMI:

Bordi i Transparencës në datë 2 Gusht 2022, në mbledhjen e radhës vendosi:

Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 221 lekë/litri, ndërsa i shitjes me shumicë jo më shumë se 209 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 207 lekë/litri,ndërsa i shitjes me shumicë jo më shumë se 195 lekë/litër.

Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.

Çmimet e caktuara nga Bordi do të hynë në fuqi sot datë 2 Gusht ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Jemi në monitorim të vazhdueshëm të ecurisë së bursave, me qëllim reagimin sa më të shpejtë.


TË NGJASHME