Depresioni postpartum është gjendja e ankthit ose depresionit që kalojnë gratë pasi kanë lindur.

Disa mënyra si mund t’i vini në ndihmë grave që janë duke kaluar PPD:

Qëndrojini gjithmonë pranë duke e ndihmuar në organizimin e punëve, në mënyrë që asaj t’i ulen përgjegjësitë!

Minimizoni sa më tepër kohën që ajo kalon vetëm, nxirreni për shëtitje që të ndihet më e qetë!

Bindeni që të kërkojë ndihmën e një psikologu, pasi çrregullimet mendore kanë nevojë për ekspertizën e një profesionisti, si çdo sëmundje tjeter!

Ndihmojeni të rifitojë vetëbesimin e humbur duke e motivuar!

Mos përdorni fjalë ofenduese të tipit: je e paaftë, kot qan ti se përkëdhelesh!

Gjendjuni pranë femrave në periudhën pas lindjes, një ndryshim i rëndësishëm ka ndodhur në jetën e tyre, ato kanë nevojë për ndihmën tuaj!