HomeLajme

Çmontohet banda shqiptare në Greqi, ishte kthyer në një shqetësim për ta

Autoritetet greke çmontuan bandën që ishte kthyer në makth për shumë qytetarë, raportojnë mediet vendase.

Policia greke ka arrestuar një grup shqiptarësh, pasi këta të fundit akuzohen për një sërë vjedhjesh në zonën veriore të Greqisë, siç është Selaniku, Chalkidhiki dhe Pieria.

Banda prej katër anëtarësh ka vjedhur para, bizhuteri dhe makina që arrijnë në vlerën e 68 mijë eurove.

Sipas hetimeve, autorët kanë nisur aktivitetin kriminal më 25 shkurt të këtij viti.

Banda shqiptare hynte kryesisht në oborret e qytetarëve grekë, ku ishin mjetet e parkuara. Gjithashtu shqiptarët kanë bastisur edhe shtëpitë e grekëve, ku vidhnin bizhuteri dhe para.


TË NGJASHME