HomeLajmi i Fundit

Demostrata në Irak, 3 të vdekur 27 të plagosur

Vazhdojnë në Irak përleshjet mes policisë dhe protestuesve. Së fundmi 3 protestues kanë mbetur të vdekur gjatë demostratave.

Për të larguar protestuesit forcat e sigurisë hapën zjarr dhe hodhën gaz lotsjellës. Dy nga viktima mbetën të vrarë nga plagët e marra me armë zjarri ndërsa një tjetër humbi jetën pasi u godit në kokë me një bombul gazi lotsjellës.

Sipas njoftimeve zyrtare të policisë edhe 27 persona të tjerë janë plagosur.

Në jug të vendit forcat e sigurisë rihapën hyrjen për në portin kryesor të Irakut, atë të Umm Qasr-it, të cilin protestuesit e mbanin të bllokuar prej ditës së hënë. Por porti nuk ka nisur ende të funksionojë normalisht.

Të paktën 329 vetë janë vrarë që nga fillimi i trazirave në fillim të muajit tetor në Bagdad dhe në jug të Irakut. Këto konsiderohen si demonstratat më të mëdha që nga rënia e Saddam Hussein në vitin 2003. Protestuesit kërkojnë largimin e asaj që e quajnë një klasë politike të korruptuar e që i shërben fuqive të huaja ndërsa shumë irakenë jetojnë në varfëri, pa punë, kujdes shëndetësor apo arsim.

Kleriku kryesor mysliman shiit i Irakut Ayatollah i Madh al-Sistani, bëri thirrje të premten që politikanët të nxitojnë për të reformuar ligjin zgjedhor pasi sipas tij kjo do të ishte e vetmja mënyra për t’i dhënë zgjidhje trazirave të dhunshme disa javore.