Lajme Lajmi i Fundit Sociale

Detaje të reja nga krimi në Kavajë

Gazetarja Klodiana Lala ka zbardhur detaje të reja nga ngjarja e ndodhur në Kavajë, dhe që tronditi mbarë vendin, ku u vra 41-vjeçari Dritan Haxholli dhe u plagos polici Bledar Toçi, ndërsa “mollë sherri” ishte 30-vjeçarja Marsida Qatja.

Gazetarja Lala tha se Dritan Haxholli u fut në kurth, duke shtuar se nuk ishte një vrasje për vetëmbrojtje.

Referuar dosjes së Prokurorisë, të cilën “News24” dhe “BalkanWeb” e ka siguruar të plotë, gazetarja deklaroi se polici Toçi akuzohet për “vrasje me dashje” dhe “prodhim e shitje lëndësh narkotike”.

“Zyrtarisht, referuar dosjes hetimore, zyrtari i policisë është akuzuar për “vrasje me dashje” dhe “prodhim e shitje lëndësh narkotike”. Për këtë, Prokuroria kërkon masën e sigurisë “arrest me burg” për policin Bledar Toçi, dhe për vëllanë e tij, Benard Toçi. Në kontrollin e ushtruar në banesën e tyre pas ngjarjes, policia ka gjetur disa doza kokainë.

U vra për vetëmbrojtje? Ka një version më ndryshe, referuar dokumenteve zyrtare. Pas këqyrjes së telefonave. Natën e ngjarjes nuk kanë qenë vetëm tre persona Marsida, Bledari dhe Dritani, por kanë qenë edhe dy miq të Marsidës, Ermir Çela dhe Xhulio Biturku.

Marsida Qatja pasditen e 9 shtatorit i ka kërkuar ndihmë policit, që të largonte Dritan Haxhollin, për problemet që i sillte. Ajo ka pasur një lidhje të gjatë, por kohët e fundit i kishte shkëputur marrëdhëniet me të. Bledar Toçi i ka premtuar asaj se do ta zgjidhte këtë problem. Ai ka shkuar në banesën e saj me dy miqtë e tjerë të Marsidës. Ai ka dalë më pas dhe është rikthyer me disa doza kokaina.

Marsida është mollë sherri e ngjarjes, por edhe viktimë. Dritan Haxholli ka mbërritur më pas në shtëpi, ka qëlluar. Marsida i ka hapur derën dhe e ka ftuar brenda. Haxholli është përballur me Xhuliun, të cilit i ka thënë se ‘me ty kam punë më vonë”. Pastaj është përballur me policin, të cilin e ka pyetur “pse ma bënë këtë gjë” dhe më pas ka qëlluar. Dritan Haxholli u fut në kurth. Edhe Prokuroria e konsideron këtë një vrasje me dashje. Mendoj që Bledar Toci e ftoi, e thirri personin për t’u sqaruar me të.

Kemi një të kërkuar që del me armë, por edhe një zyrtar policie, që bredh me armën e shërbimit. Marsida ka cenuar rregullat e moralit, ajo ka dhënë dëshmi të rreme. Në momentin që Haxholli është qëlluar për vdekje, Toçi është ngjitur në mjetin e tij, e ka ngarë vetë, ka shkuar për ndihmë mjekësore në spitalin e Kavajës dhe më pas Marsida Qatja ka telefonuar policinë”, deklaroi Lala.

Gjithashtu ajo tha se nesër do të jetë një seancë e nxehtë në Gjykatën e Kavajës, e cila pritet të japë masën e sigurisë për dy vëllezërit Bledar e Bernard Toçi, pasi policia iu gjeti kokainë në banesë, pas vrasjes së Dritan Haxhollit në shtëpinë e Marsida Qatjas.

Gazetarja Lala deklaroi se polici i burgjeve, Bledar Toçi, është i afërm i një ish-deputeti të Partisë Socialiste dhe po përpiqet që drejtësia ta trajtojë ngjarjen në Kavajë si një vrasje në kushtet e vetëmbrojtjes, ndonëse Prokuroria e akuzon atë për “vrasje me dashje”.

“Nesër do jepet masa e sigurisë për dy vëllezërit Toçi, për të cilët është kërkuar “arrest me burg”. Kam informacione se Bledar Toçi po tenton, përmes avokatëve të tij, ta trajtojë atë si një ngjarje në kushtet e vetëmbrojtjes, duke pretenduar se Haxholli erdhi pa dijeninë e tyre, por që nga hetimet rezulton krejt e kundërta. Do të jetë një seancë e nxehtë. Bledar Toçi nuk është një qytetar i thjeshtë, ai është zyrtar i lartë i burgjeve, por është edhe i afërt i një ish-deputeti të PS dhe e kemi parë që sa herë hyn politika në mes, e kemi kuptuar se ka problematika edhe në mënyrën si vepron drejtësia.

Nuk mundet kurrsesi politika të diktojë mënyrën si heton Prokuroria. Unë nuk pashë ndonjë politikan, që përveçse të kujdestë në mënyrë indirekte dhe të shpëtojë nën rrogoz të shpëtojë zyrtarin e burgjeve, nuk e pashë të ngrinte zërin e të thoshte “ku ishte policia, që nuk e arrestoi Dritan Haxhollin”. Mbetet për t’u parë se çfarë do ndodhë nesër. Ndikimi në sistem është i lartë, sepse prokurorëve e gjyqtarëve ju tundet karta e Vettingut”, tha Lala.

Më tej, gazetarja Lala ngriti dyshime të forta që provat në vendngjarje të jenë prishur, pasi sipas saj, janë gjetur plumba në të gjithë banesën e Qatjas dhe jo vetëm në drejtim të viktimës.

“Mbetet e paqartë fakti nëse u prishën provat e ngjarjes. Janë gjetur plumba në të gjithë banesën dhe jo vetëm në drejtim të viktimës. Si ka mundës që policia heshti për përdorimin e kokainës. Detaji është linja e kokainës, nga vinte ajo. Rezulton që e ka konsideruar zyrtari i policisë. Ka mjaft pikëpyetje, që nuk janë zbardhur nga institucionet, që kanë qenë të shurdhta. Kemi aq shumë problematika, kokainën, refuzimin nga Marsida Qatja, ku Haxholli armatoset dhe ngjarja mund të kishte fat më tragjik.

Policia e ka trajtuar si një ngjarje për motive xhelozie, por unë e shoh si një ngjarje që ka interesa të drogës. Të gjithë personat e përfshirë janë me rekorde, nuk ishin rastësisht aty. Haxholli duhet të ishte në burg, Toçi nuk duhet të ishte me armën e shërbimit. Duhet të ishte arrestuar për mbajtje narkotikësh.

Marsida Qatja ka dhënë dëshmi të rreme. Ajo duhet të trokiste në dyert e institucioneve dhe të kërkonte ndihmë. Nuk kishte pse implikonte mikun e saj. Ajo duhet të kërkonte mbrojtje nga një person me rrezikshmëri të lartë. Kjo do të ishte rruga e drejtë.

Aty ka zyrtarë të lartë të policisë të përfshirë, që janë të korruptuar, pasi nuk e kanë arrestuar Haxhollin, që lëvizte i lirë në Kavajë”, shtoi gazetarja.

Related posts

Për inat të Morena Tarakut? Marina shfaqet krah për krah me reperin amerikan

Tatani

Rrëzohet avioni në Maqedoni, shuhet një familje

Xhensila Gotanews

‘Takohemi bashkë e ikim në Vlorë…’ Dalin përgjimet…

Mila
Na Kontaktoni!