HomePolitikë

Dhëndri i Trump: Hetimi i Mueller dëmtoi demokracinë amerikane…

Këshilltari i Shtëpisë së Bardhë dhe dhëndri i presidentit Donald Trump, Jared Kushner, tha të martën se hetimi i posaçëm i Robert Mueller për rolin e Rusisë në zgjedhjet e vitit 2016, e dëmtoi demokracinë amerikane më shumë sesa ndërhyrja e Moskës.

“Unë mendoj se hetimet dhe të gjitha spekulimet që kanë ndodhur për dy vitet e fundit, kanë pasur një ndikim shumë më të ashpër në demokracinë tonë, sesa disa reklama të Facebook, të cilat pretendohet se janë blerë nga Rusia”, tha Kushner në një forum të revistës “Time”, në Nju Jork.

“Intervistë e madhe nga Jared. Është e këndshme që të kemi njerëz jashtëzakonisht të mençur, që shërbejnë në vendin tonë”, tha Trump në Twitter duke postuar videon e intervistës së dhëndrit të tij.

Kushner tha se fushata e Trump nuk ishte në dijeni të fushëveprimit të përpjekjeve të Rusisë, duke thënë, “nocioni i asaj që ata po bënin, as nuk na regjistroi si ndikues”.

“Kur erdhi nocioni i rrëfimit të marrëveshjes ruse, unë isha personi i parë që thashë se jam i lumtur të marr pjesë me ndonjë hetim. Mendova se e gjithë kjo ishte një lloj absurditeti, të jesh i sinqertë me ty”, tha Kushner, i cili u intervistua nga hetuesit e Muellerit.


TË NGJASHME