HomeShëndeti

Dhimbje shpine ne vendin e punes? Ja si t’i ulni

Të qëndrosh drejt dhe të vendosësh drejtë karrigen dhe tavolinën është piknisja e një shëndeti të mirë, duke u pasuar me zgjatjen e muskujve të barkut për pak sekonda apo ngritja e thjeshtë e cila relakson muskujt.  Të gjitha këto sëbashku janë një ndihmë e madhe për shëndetin.

Hulumtimet më të reja kane treguar se të qëndruarit ulur nga tetë orë në ditë nuk është mirë veçanërisht për shpinën, pasi krijon shtypje në disqet të cilat e mbështesin shpinën, ndërkohe që lëndimet janë gjithnjë e më të shpeshta.

Dhimbjen në shpinë, mund ta lehtësoni edhe në punë me disa ushtrime të thjeshta, si zgjatjet dhe shëtitjet e lehta.

Filloni nga tavolina dhe karrigia
Hapi i parë i largimit të dhimbjes së shpinës është pajisja e punës. Karrigia duhet të jetë e vendosur ashtu që duart në të vijnë nën këndin prej 90 shkallësh, respektivisht kyçet tuaja të dorës nuk duhet të jenë në pozitë më të lartë se bërrylat.
Karrigia duhet të jetë ergonomike ashtu që ta mbështesë shpinën, ndërsa ekrani i kompjuterit në nivel me sytë ose pak më i ulët. Këmbët duhen të jenë në tokë dhe kurrsesi nuk duhen të çohen lart, ndërsa shpina duhet të jetë e mbështetur për karrige.

Zgjatuni
Nëse keni mundësi çohuni çdo gjysmë ore ose një orë nga karrigia dhe zgjatuni.
Të qëndruarit gjatë ulur dobëson punën e muskujve të shpinës dhe nxit shtypjen në shpinë.
Shëtitja e lehtë dhe disa ulje-ngritje galuc bëjnë mrekulli dhe lehtësojnë pasojat negative të të qëndruarit ulur. Ushtrimet e zgjatjes, si lëvizjet rrethore të ijëve gjatë të cilave lëviz edhe shpina, reduktojnë tensionin në disqe, ndërsa të shkëlqyeshme janë për vendin e punës sepse nuk kërkojnë shumë kohë.

Minipauzat relaksojnë
Madje edhe ngritja më e thjeshtë relakson muskujt. Është e rekomandueshme që gjatë ditës të bëni disa minipauza për t’u relaksuar dhe liruar nga stresi.
Gjatë pauzës ngrihuni nga karrigia dhe çdo disa sekonda relaksoni muskujt e shpinës. Kjo do t’ju relaksojë. Le të bëhen këto pauza pjesë e rutinës suaj të përditshme, transmeton “Zeri.info”.

Forconi muskujt e barkut
Që trupi juaj të përballet sa më lehtë me të qëndruarit ulur forconi muskujt tuaj të barkut.
Ushtrimet e barkut do të rrisin efikasitetin e punës së muskujve, çka do të reduktojë dhimbjen në shpinë.

Në punë këtë mund ta arrini lehtë me qëndrimin drejt dhe me tërheqjen e muskujve të barkut nga disa sekonda gjatë orarit të punës/zeri.info


TË NGJASHME