HomeTeknologji

Doni të fshini Instagram-in? Zbuloni si mund të shkarkoni fotot

Pasi mësuam se Facebook kishte ndarë informacionet tona personale me kompani të tjera si Microsoft dhe Amazon, shumë prej nesh filluan të konsideronin largimin nga rrjeti social dhe aplikacionet e tjera të kompanisë si WhatsApp dhe Instagram.

Nëse fshini Instagramin, fotot tuaja ikin së bashku me të.

Përpara se ta bëni këtë gjë së pari duhet të krijoni një kopje rezervë të fotove dhe t’i ruani edhe nëse keni menduar largimin e tij.

Ja se çfarë duhet të bëni:

Së pari hapni aplikacionin dhe klikoni profilin në cepin e djathtë poshtë. Sapo profili të hapet klikoni butonin e menunë me tre vija horizontale në cepin e djathtë lart dhe përzgjidhni “Settings”.

Në menunë e re që hapet do të gjeni opsionin “Data Download.” Klikojeni dhe më pas shtypni butonin “Request Download.”

Shkarkimi do të nisë automatikisht. Instagram do t’u lajmërojë me e-mail kur fotot të jenë gati dhe të nisë një link për shkarkimin e tyre, njofton PCW.

Procesi merr deri në 48 orë dhe pasi të ketë përfunduar mund të procedoni me fshirjen e llogarisë plotësisht.


TË NGJASHME