HomeSport

Drejt fundit ‘telenovela’ de Ligt, mbrojtësi pranë nënshkrimit me Juventus

Juventus de Ligt, është një nga ato tratativa të kësaj merkato që pritet të mbyllet me sukses. Pas shumë ofertash, mesa duket drejtuesit e klubit italian janë pranë arritjes së një marrveshjeje me yllin holandez. Nga ana tjetër edhe Ajax, ka pranuar ofertën e Juventus prej 70 milionë eurosh. Për de Ligt, Juventus është duke përgatitur një superofertë që do ta shndërrojë në futbollistin e dytë më të paguar në Serie A.

Holandezi pritet të përfitoj 12 milion euro neto në sezon, plus bonuse të ndryshe. De Ligt është shumë komod me kushtet që i ofron Juventus, mbi të gjithë kushtin e tij të panegociueshëm, të jetë titullar dhe protagonist. Barcelona dhe PSG me sa duket janë tërhequr nga kjo tratativë, duke qenë të vetëdijshëm se lojtari ka zgjedhur “Zonjën e Vjetër”. Një rol shumë përcaktues në këtë marrëveshje ka pasur dhe Mino Raiola, agjenti i tij. Një detaj që mbetet për tu përcaktuar ka të bëjë me klauzolën e largimit, drejtuesit e Juves dëshirojnë të vendosin menjëherë një klauzolë largimi prej 150 milion euro.

Ndërkohë, përsa i përket merkatos së “Zonjës së Vjetër”, sipas mediave italiane këtë të mërkurë pritet të zyrtarizohet edhe Adrien Rabiot. Këtë të mërkurë, pritet që gjithçka të bëhet zyrtare, kurse prezantimi i Rabiot do të bëhet në 1 korrik. Rabiot është goditja e dytë me parametra zero pas Aaron Ramsey.


TË NGJASHME