HomeSociale

Drejtori i ISSH shpjegon qëllimin e kalimit të shërbimeve online

Drejtori i Përgjithshëm i Institutit të Sigurimeve Shoqërore, Astrit Hado i ftuar në News 24 tha se shërbimet online që ofrohen në e-albania janë për t’i siguruar qyetarëve shërbimet në kohë veç të tjerave. Ai shtoi se sidomos për pensionistët kjo është një gjë shumë e mirë pasi ‘zerohen’ dokumentet dhe ata nuk do i duhet më të presin në radhë.

Po ashtu ai tha se të gjithë ata që kanë probleme me përdorimin e platformës digjitale mund t’i drejtohen zyrave të ISSH. Ai rendit dhe disa nga problematikat që ka pasur ky Institut dhe si ato tashmë nuk janë më problem i qytetarëve, por një shtesë pune e administratës publike.

“Nëse pensionistin X ne nuk e gjejmë të punësuar diku ndërkohë që ai ka një librezë do të thotë se ai ka qenë diku. Ky problem është për ata para viteve para 90’ pasi pas viteve 94’ kanë qenë me anë të pagës dhe nuk kemi probleme.

Kur ne të bëjmë verifikim në arkiva ka mungesa të listpagesave. Ne i kemi njoftuar për këtë dhe i kemi thënë që kopjet e tyre t’i çojnë pikërisht tek Tatimet dhe nëse nuk dalin debitorë futen në arkivë.

ISSH më pas i fut në arkivë. Jo të gjithë janë përgjigjur se disa kompani nuk ekzistojnë më. Nuk mund të them që na është shtuar puna më shumë por qytetarëve i është reduktuar puna se i nevojitet vetëm karta ID dhe libreza e punës. Koha që ne harxhojmë nuk është baraz me atë të qytetarëve. Ne kemi me autostradë komunikimin, do të thotë që bashkëpunojmë me institucionet dhe nuk është problem.

Është dhe pak çështje mentaliteti  i punonjësve të administratës publike, nëse ndryshon do të ketë ndikim dhe tek qytetarët. Kemi pasur prolem me regjistrin kombëtar për kalimin tek pagesat online. Por më pas kjo u tejkalua dhe punonjësit e administratës u mësuan.

Mbyllja e pensionit

Duhet vetëm një aplikim online, edhe më parë e bënin familjarët kur ka vdekur ose kur fillon punë dhe ndërpret pensionin por tani ka vetëm një kërkesë. S’ka më dokumente sill këtë apo sill atë. Kjo është bërë edhe falë formalizimeve tashmë.

Leja e lindjes

Ne të gjithë kërkonim vetëm raportin e lindjes. Çdo grua i çonte raportin mjekësor tek punëdhënësi i vet dhe ai bënte më pas bënte një listë të listëpagesave por kjo tashmë është reduktuar fare. Nuk ka më këto procedura. Pra ikën koha e atyre dokumenteve.

E kemi përshtatur në online në mënyrë të tillë që si të aplikojë ndërrmarrja si qytetari shkarkojmë dokumentin ne.

Ne nëse na vjen elektronikisht me postë elektronike numri i gruas atëhere bëhet e gjitha

Apeli për Pensionistët

Mos e shohin si gjë të vështirë, me pak asistencë nga fëmiëjt apo nipërit por dyert e ISSH janë totalisht të hapura dhe do të asistojmë. Qëllimi ynë është qytetarët të marrin përfitimin në kohë. I Gjithë proces bëhet që qytetarët dhe pensionistët mos rrinë më në radhë.

Nuk janë marrë të gjitha shpërblimet për pensionet e vitit të ri por mund ta marrin duke filluar nga janari prandaj që nuk janë marrë të gjitha por lekët janë të gjitha të kredituara.

Po përpunojmë dhe të gjitha kërkesat suplementare të naftëtarëve dhe minatorëve. Deri tani kanë ardhur rreth 20 mijë kërkesa tek ISSH. Rreth 4 mijë pensione suplementare.”- tha Astrit Hado.


TË NGJASHME