HomeLajmi i Fundit

Elbasan/ Shpërndante droga të forta në qytet, arrestohet 41-vjeçari

Mëngjesin e sotëm në qytetin e Elbasanit, një 41- vjeçar ka rënë në pranga.

Duke lëvizur me një automjet në momentin që është ndaluar e më pas arrestuar nga policia, 41- vjeçari akuzohet se shpërndante drogë të forta në doza të vogla. Pas kontrollit fizik dhe në automjet,  u gjetën doza me heroinë dhe kokainë.

Materialet hetimore i kaluan Prokurorisë pranë Gjykatës së Shkallës së Parë Elbasan, për veprën penale “Prodhimi dhe shitja e narkotikëve “.

Njoftimi i plotë i policisë:

Goditet një rast i shpërndarjes të drogave të forta në doza të vogla.

Në pranga 41- vjeçari që ushtronte këtë veprimtari kriminale.

Sekuestrohet lënda narkotike dhe automjeti me të cilin lëvizte autori.

Në vijim të punës për parandalimin dhe goditjen e shpërndarjes së drogave të forta në doza të vogla, specialistët për Hetimin e Narkotikëve dhe Trafiqeve në Drejtorinë Vendore të Policisë Elbasan arrestuan në flagrancë shtetasin:

  1. M., 41 vjeç, banues në Elbasan, pasi gjatë kontrollit fizik dhe në automjetin me të cilin lëvizte ky shtetas, Policia gjeti dhe sekuestroi në cilësinë e provës materiale doza me heroinë dhe kokainë, si dhe automjetin me të cilin ai lëvizte.

Materialet hetimore i kaluan Prokurorisë pranë Gjykatës së Shkallës së Parë Elbasan, për veprën penale “Prodhimi dhe shitja e narkotikëve “.

M.H/ GotaNews