HomePolitikë

Gafa e Ministres së Arsimit/ Boçi: Ende se di që është shpallur gjendja e fatkeqësisë natyrore

Ish-deputeti i PD-së Luçiano Boçi me një postim në Facebook ka shkruar se ministrja e Arsimit Besa Shahini bëri gafë pasi deklaroi se shpresonte se shkollat mund të hapen në datën 6 Prill, kur ditën e djeshme Qeveria shpalli gjendjen e fatkeqësisë natyrore në të gjithë vendin.

“Pas Ahmetjat, i cili shpalljen e gjendjes së fatkeqësisë natyrore e mori vesh në studio, ka dhe ministra që ende nuk e kanë marrë vesh që një vendim i tillë është marrë. Një prej tyre është Besa.”

Sipas demokratit fakti se Shahini pohoi se ende shpreson që shkolla të nisë në 6 prill, dëshmon kaosin dhe paaftësinë e qeverisë.

“E çuditshme kjo deklaratë, dëshmi e kaosit e paaftësisë qeverisëse. Ministrja ende nuk e di që jemi në gjendjen e fatkeqësisë natyrore. Gjendja e fatkeqësisë natyrore, sipas ligjit, minimalisht zgjat një muaj dhe shkollat kurrsesi nuk mund të fillojnë. E në vend të shpresojë, Besa duhet të jetojë me realitetin, se paku vendimmarrës hipokrit qeveritar e të marrë masat që tani për vijimësinë e mëtejshme të procesit mësimor.”

REAGIMI I BOÇIT
PAS AHMETAJT DHE BESA NUK E DI QË ËSHTË SHPALLUR GJENDJA E FATKEQËSISË NATYRORE

Siç ndodh pothuaj gjithmonë, pas Ramës nxitoi të dilte dhe Besa me tufën e lajmeve të gëzueshme. Dhe përsëri si gjithmonë, përmes gafave ngatërroi më shumë se sa shpjegoi. Ministrja e Arsimit ende nuk e di që një vit shkollor është shumë i ndryshëm nga një vit akademik. Sikurse studenti për të nuk ndryshon nga maturanti. Po kjo është gafa më e vogël.

Pas Ahmetjat, i cili shpalljen e gjendjes së fatkeqësisë natyrore e mori vesh në studio, ka dhe ministra që ende nuk e kanë marrë vesh që një vendim i tillë është marrë. Një prej tyre është Besa.

Pyetjes për datat e provimeve të maturës e mundësinë e shtyrjes së tyre, Ministrja i është përgjigjur që ajo ende shpreson që shkolla të nisë në 6 prill!!

E çuditshme kjo deklaratë, dëshmi e kaosit e paaftësisë qeverisëse. Ministrja ende nuk e di që jemi në gjendjen e fatkeqësisë natyrore. Gjendja e fatkeqësisë natyrore, sipas ligjit, minimalisht zgjat një muaj dhe shkollat kurrsesi nuk mund të fillojnë. E në vend të shpresojë, Besa duhet të jetojë me realitetin, se paku vendimmarrës hipokrit qeveritar e të marrë masat që tani për vijimësinë e mëtejshme të procesit mësimor.


TË NGJASHME