HomeLajmi i Fundit

Gjendet 13-vjeçarja. Flet drejtori i policisë

Pas rreth katër orësh alarmi në familje, si dhe ngritjen në këmbë të policisë, është gjetur në një nga qendrat tregtare në Tiranë 13-vjeçarja që u raportua se ishte rrëmbyer.

Policia njoftoi më herët se ishte informuar për një rrëmbim, ndërsa edhe nëna e saj dëshmoi se një person e kishte marrë forcërisht poshtë pallatit në prani të motrës, i “kishte vënë diçka në gojë dhe e kishte futur në makinë”.

Por, në një komunikim me gazetaren e “Panorama”, Etleva Delia, Drejtori i Policisë Rebani Jaupi deklaroi se pas disa orësh kontrolli në të gjithë Tiranën, është gjetur në një lokal në kryeqytet, duke pirë një pije freskuese, me disa shokë e shoqe, duke hedhur poshtë se ishte një rrëmbim.

Ai është shprehur se kur e kanë gjetur vajzën, një pjesë e miqve të saj që kishin qenë me të në tavolinë, janë larguar pasi i ka kapur paniku. Pritet që vajza të merret në pyetje në prani të familjarëve dhe psikologes për të kuptuar se përse e ka bërë këtë veprim, si dhe kush ishte personi që njoftoi policinë.