Kronikë Lajme

Gjendet vogëlushja në Laprakë, nëna e denoncoi të humbur

Një vajzë 6 vjeçe e deklaruar e humbur nga nëna e saj është gjetur e vetme duke qarë në rrugë, në zonën mes Zogu të Zi dhe Laprakës.

Ajo është pikasur nga një punonjës i Policisë Rrugore, i cili e ka marrë vogëlushen, i ka dhënë ujë e ushqim dhe është përpjekur të zbulojë adresën e prindërve të saj.

Në momentin që polici ka vënë në dijeni Komisariatin e Policisë Nr. 3, ata i kanë thënë se nëna e vajzës sapo kishte bërë denoncimin për humbjen e të bilës.

Njoftimi i policisë:
Prindërit bënin kallëzim për humbjen e vajzës së tyre, ajo ishte gjetur nga polici rrugor. Punonjësi i Policisë Rrugore, duke kryer shërbim në aksin Zogu i zi – Laprakë, ka vënë re një vajzë të vogël, e cila ishte e vetme në rrugë dhe po qante.

Punonjësi i Policisë Rrugore e ka marrë vajzën 6-vjeçare dhe i ka ofruar ujë e ushqim dhe është përpjekur të mësojë adresën e prindërve duke njoftuar edhe Komisariatin e Policisë Nr. 3, Tiranë.

Patrulla e Policisë së Komisariatit Nr. 3 ka njoftuar kolegun e rrugores se mamaja e vajzës sapo kishte bërë denoncim për humbjen e 6-vjeçares. Vogëlushja është transportuar me makinën e policisë dhe i është bashkuar prindërve të saj, të cilët kanë falënderuar policinë për gjetjen e saj.

Related posts

Meta takon ambasadoren e Sllovenisë

Klaudia gotanews

Veliaj takim me skuadrën e basketbollit ‘Tirana’, premton investime në sport

Xhensila Gotanews

Berisha bënë thirrje:” Të djegim mandatet!” Kryemadhi:” Mandatet i djegin trafikantët”

admin
Na Kontaktoni!