HomePolitikë

Grida Duma e prerë: Asnjë shans që reforma zgjedhore të bëhet pa PD-në

Grida Duma, përfaqësuese e Partisë Demokratike, u shpreh e bindur se nuk ka asnjë shans që reforma zgjedhore të bëhet pa opozitën, pavarësisht paralajmërimeve të kryeministrit Edi Rama.

“Gjejmë vendosmëri që reforma zgjedhore është edhe prioritet i opozitës. Nuk duhet të merren në referencë çfarë thonë dy individë, qoftë kryeministri, qoftë kreu i opozitës. Duhet të nisë menjëherë konsulta e gjerë. Nuk ka asnjë shans që reforma zgjedhore të bëhet pa PD-në dhe pa opozitën”, u shpreh Duma teksa komentonte planin e prezantuar mbrëmjen e sotme nga kryeopozitari Lulzim Basha për reformën zgjedhore.

Duma në misionin “Open” në Top Channel theksoi se për opozitën nuk ka ndryshuar kërkesa “Rama ik”.

“Unë personalisht dokumentin zyrtar që kam nga PD është dokumenti që është parë në Këshillin Kombëtar, i cili ka vetëm një platformë “Rama ik”. Nuk besoj se sakrifica e deri sotme është zhvilluar me idenë se Rama do të reflektojë. Ne nuk duhet të fitojmë reflektimin e Ramës, por mbështetjen e qytetarëve”, tha ish-deputetja e PD-së.

Më tej, Duma shtoi: “Nëse marrja pjesë, hyrja apo dalja në një tryezë kthehet në show mediatik, ne nuk kemi luksin të kthehemi në një situatë me batuta qeveritare apo opozitare”. Top Channel.


TË NGJASHME