HomeRajon

Haradinaj thirrje Gjermanisë: Kemi nevojë për ju pasi…

Kryeministri i Kosovës, Ramush Haradinaj, i cili po qëndron në Gjermani para takimit të Samitit të Berlinit ka thënë se është mirënjohës ndaj Gjermanisë lidhur me qëndrimin e saj për çështjen e kufijve të Kosovës.

Këto deklarata Haradinaj i bëri në një takim me ambasadorin i Kosovës në Gjermani, Beqë Cufaj.

“Për mua ka peshë të madhe për shkak të qëndrimit të qëndrueshëm të Gjermanisë për shkak të qëndrimit të saj për kufijtë. Jam mirënjohës ndaj kancelares për qëndrimin e saj për këtë temë’, tha Haradinaj.

Haradinaj tha se ka nevojë për mbështetjen e Gjermanisë, e cila po mban një qëndrim që të mos dëmtohet Kosova.

“E kam një porosi. Kemi nevojë për ju, jo vetëm për Kosovën por edhe për Gjermaninë. Gjermania është një vend që vërtet po mban një qëndrim që të mos dëmtohet Kosova dhe shprehim falenderim të veçantë për këtë. Sfida kemi boll, vështirësi kemi boll por Kosova do të ecë para, jo prapa. Besoj që nga ky Samit do të dalim më të konsoliduar”, tha Hardinaj.


TË NGJASHME