HomeLifestyle

Ja arsyet se pse çiftet e lumtura nuk postojnë foto në rrjetet sociale

Sa rëndësi ka aparenca në këtë moment të jetës sonë? Le të themi një “shuuuumë”sepse rrjetet sociale e kanë stimuluar këtë tendencë. Pa dashur t’i demonizojmë por Facebook, Instagram e kanë bërë imazhin që krijojmë për veten si të vetmen gjë që ka rëndësi në këtë jetë. Tashmë kujdesemi më shumë për kurimin e jetës sonë virtuale sesa asaj reale. Shpesh e krijojmë idenë për njerëzit vetëm në bazë të asaj që publikojnë dhe shkruajnë në rrjete. Do duhet një zgjidhje për varësinë që kemi marrë nga “like”-t.

Sa herë i ke thënë partnerit tënd “Hajde bëjmë një selfie”? dhe sa herë ai ka ngritur sytë lart duke shfryrë “Ufff”? Po pastaj ç’ke bërë me atë selfie? E ke ruajtur në telefon apo e ke ndarë në rrjetet sociale me të tjerët? Nëse keni bërë këtë të dytën, atëherë mund të mos jesh duke jetuar një lidhje të lumtur.

Por pse çiftet vërtet të lumtura nuk publikojnë foto në rrjetet sociale?

Ndani çdo moment të jetës suaj në Facebook apo Instagram? Ndoshta nuk jeni aq të lumtur sa kujtoni. Po ta mendosh mirë njerëzit e lumtur nuk kanë nevojë të spostojnë vëmendjen nga jeta reale në atë virtualen, sepse realiteti që po jetojnë është më i rëndësishëm sesa ai falsi në rrjete. E keni vënë re se kur ndiheni mirë me dikë, telefoni mbetet në fund të çantës? Çiftet e lumtura nuk ndajnë asgjë nga jeta e tyre në rrjete: një “like” banal nga “miqtë” e Facebook-ut apo Instagram-it vlen shumë më pak sesa shoqëria e personit që do.

Mos e vrisni mendjen se çfarë mendojnë të tjerët

Kur je i dashuruar nuk ke dëshirë të ndash me gjithë botën personin që do. Ata që duhen kujtohen vetëm për njëri-tjetrin dhe ndajnë vetëm me njëri-tjetrin momente të vërteta. Sigurisht, ndonjëherë duhet ta thyesh rutinën në çift por kjo nuk mund të bëhet në rrjetet sociale. Një nga mënyrat për të qenë vërtet të lumtur është të mos e vrasësh mendjen se çfarë mendojnë të tjerët. Je vetëm ti dhe ai. Të tjerët s’kanë fare rëndësi.

T’ua tregosh lumturinë të tjerëve me çdo kusht nuk është e shëndetshme

E ke pyetur ndonjëherë veten: “Për çfarë shërben publikimi i një fotoje në rrjetet sociale?. Ndoshta jo, sepse tashmë është kthyer në një veprim vërtet mekanik. Në realitet nuk përfiton asgjë nga postimi i asaj fotoje. Është një mekanizëm aspak i shëndetshëm t’u imponosh të tjerëve lumturinë tënde. Por është e kuptueshme që në një botë që po ndërtohet gjithnjë e më shumë mbi dukjen, të duam t’ia tregojmë lumturinë gjithë botës. Ose jo…!


TË NGJASHME