Botë Lajme Lajmi i Fundit Politikë

Jep dorëheqjen Chris Collins

Kongresisti republikan i New York-ut, Chris Collins, ka dhënë dorëheqjen pas raportimeve se ai planifikon të deklarohet fajtor për akuzat e prokurorëve, sipas të cilëve, Collins i dha djalit të tij informacione të fshehta në lidhje me një firmë australiane të bioteknologjisë.

Ai i kishte quajtur akuzat “të pabaza” dhe u deklarua i pafajshëm, por raportohet se tash do të pranojë fajësinë.

Është e paqartë nëse ai do të pranojë fajësinë për akuzat origjinale kundër tij, ose për akuza tjera.

Sipas një zëdhënësi të kryesueses së Dhomës së Përfaqësuesve, Nancy Pelosi, Collins, të hënën, e dorëzoi letrën e tij të dorëheqjes, e cila do të hyjë në fuqi të martën.

Collins ishte një nga republikanët e parë kryesorë që miratoi kandidaturën presidenciale të presidentit, Donald Trump.

Prokurorët pretendojnë se ai e thirri djalin e tij në qershor të vitit 2017, duke i treguar atij disa informacione konfidenciale për kompaninë “Innate Immunotherapeutics”, në të cilën ai zotëronte aksione./REL

Related posts

Facebook tani mundëson ndarjen e ngjarjeve në Story

Mila

Goditet mafia shqiptare në Europë

Xhensila Gotanews

Njihuni me stilin e xhinseve që po kthehet në trend

alba
Na Kontaktoni!