HomeSociale

Kandidatët për Gjykatën e Lartë, në listë 21 emra për të zgjedhur tre anëtarë

Ka përfunduar afati për pretendentët që synojnë tre vende në Gjykatën e Lartë. Mes tyre gjenden edhe emrat e ish-Prokurorit të Përgjithshëm të përkohshëm, Theodhori Sollaku, drejtori i Shkollës së Magjistraturës, Sokol Sadushaj, njerëz që vijnë nga bota akademike sikurse Ervin pupe dhe Kestrin Katro apo edhe ish-zyrtarë të ish-KLD si Ilir Panda.

Në listën e konkurrentëve për në Gjykatën e Lartë janë 21 emra. Por pas ndryshimeve të reformës në drejtësi rezulton se disa prej tyre kanë shfaqur interes edhe më herët që të jenë në kupolën e drejtësisë ose të bëhen pjesë e institucioneve të reja sikurse kërkoi Ilir Panda, ish-ministër Drejtësisë dhe ish-zv.kryetari i KLD, apo siç garoi për në SPAK, Irena Nino. Të dy ata në fakt se bashku me ish-Prokurorin e Përgjithshëm Sollaku, i cili kandidoi edhe për në Gjykatën Kushtetuese, tashmë do të jenë rivalë drejt Gjykatës së Lartë. Por listës së garuesve për në Gjykatën Supreme ju shtohet edhe emri i Ardita Alsules që gjithashtu pretendoi një vend në Gjykatën Kushtetuese por e la garën në mes pasi u tërhoq. Në listën për ne Gjykatën e Lartë është edhe një ish-gjyqtar i kësaj gjykate, Agron Lamaj, i cili pasi i përfundoi mandati nuk u kthye më në detyrë nga KLD, e madje në një intervistë për Top Channel pesë vite më parë ai sugjeronte reformë. Shumica e kandidatëve jo-gjyqtarë janë avokatë apo edhe personazhe të njohura në jurispudencë siç edhe Sokol Sadushi një nga ekspertët e reformës e gjithashtu ish-anëtar i Gjykatës Kushtetuese. pas shfaqjes së interesit për 21 pretendentë gjatë verës administrata e KLGJ do t’u kërkojë kandidatëve dokumentacionin përkatës, që në vjeshtë do t’i nënshtrohet vetting-ut të cilin për ta e zhvillon KLGJ. Vetë qeveria e gjyqësorit pritet të hapë garën edhe për 16 vende të tjera për këdo që është pjesë e gjyqësorit dhe që ka ambicie Gjykatën Supreme, e mbetur prej muajsh në pikën më të vështirë të saj.

Kandidatë jo gjyqtarë për në Gjykatën e Lartë:

  1. Sergjio Mazreku
  2. Ndue Pjetra
  3. Ergys Meta
  4. Jetmira Rragami
  5. Aldona Sulaj
  6. Jordan Daci
  7. Lindita Troja
  8. Alma Loci
  9. Hermina Albunesa
  10. Rezarta Melo
  11. Agron Malaj
  12. Ervin Pupe
  13. Theodhori Sollaku
  14. Irena Nino
  15. Vjosa Bodo
  16. Shaqir Hasanaj
  17. Kestrin Katro
  18. Sokol Sadushaj
  19. Ilir Panda
  20. Ardita Buna
  21. Anton Lleshaj

TË NGJASHME