HomePolitikë

Kontrollet në autostradën Elbasan-Tiranë, reagon ish-deputeti i PD

Ish-deputeti i PD, Luçiano Boçi ka reaguar për shkak të kontrolleve të policisë ditën e sotme, ç’ka ka krijuar radhë të gjata të makinave në autostradën Tiranë-Elbasan.

Përmes një postimi në “Facebook”, Boçi thotë se policia ka bllokuar përsëri rrethrrotullimi i Bradasheshit me urdhër nga qeveria pasi i trembet protestës që do të zhvillohet sot në orën 16:30.

Reagimi i Boçi

TMERRI I REGJIMIT

Për të parë tmerrin që ka pushtuar regjimin e Ramës nga reagimi qytetar, nuk mjaftojnë vetëm pamjet e vrerosura të kalorësit të çmendur të apokalipsit historik e kulturor.

Ai lexohet mirë me dhunën dhe arrogancën e policisë së partisë.

Grahmat e fundit kanë hyrë në fazën e numërimit mbrapsht.

Me urdhër të grahmave të tij dhe sot, megjithëse është dita e hapjes së madhe, është bllokuar përsëri rrethrrotullimi i Bradasheshit, Elbasan në drejtim të Tiranës.

Regjimi kërkon oksigjen nëpërmjet terrorit dhe marrjes së asaj pak lirie të njerëzve, pasi i ka grabitur çdo gjë tjetër.

Por përballja s’ka për të vonuar dhe vdekja që Rama kërkon të mbjellë, do ta marrë me vete në fatin e tij politik, të volusor tashmë në rrënojat e kazmës së tij ndaj historisë e demokracisë.


TË NGJASHME