HomeSociale

Koronavirusi, Rama: Duhet të ndalim me çdo kusht kërdinë

Kryeministri Edi Rama në një komunikim në “Facebook” ka bërë sërish apel qytetarëve që të sensibilizohen në këtë luftë që nesër mos numërojnë mijëra të vdekur. Rama tha se kjo do të jetë java më e vështirë e shpërthimit intensiv të “bombave”, siç e cilëson ai COVID-19.

Ndërsa i shpreh ngushëllime familjarëve që humbën të afërmit e tyre ditën e sotme, Rama tha se kjo mortje që ka sulmuar botën, sulmon më të moshuarit, por as të rinjtë nuk janë 100% të paprekshëm.

“Ta qepin gjën ata që thonë dil nga shtëpia. Unë në shtëpi mbyllen në fundjavë, si gjithë të tjerët, se nuk i përkas rracës së keqe që thonë ‘bëni si them unë, po mos bëni si bëj unë’. Realisht është kulmi, që në këtë kohë kolere shpifjet dhe brockullat vazhdojnë. Nuk jam tipi i dukjeve se nuk më ka munguar dukja, pikë e zezë. Kjo javë do të jetë intensive, se hyjmë në javën e shpërthimit të bombava.

Sot humbi jetën një 43-vjeçar, që nuk vuante nga sëmundje kronike. Ngushëllime familjarëve. Kjo mortje që ka sulmuar botën, sulmon më të moshuarit, por as të rinjtë nuk janë 100% të paprekshëm. Prandaj, ju lutem të gjithëve ‘mos luani nga zjarri’. Duhet të ndalim me çdo kusht kërdinë. Do humbasim njerëz, por të mos humbasim një mal me njerëz, kurrën e kurrës”, tha Rama.

Rama shprehet se ndërkohë që bota po hap sipërfaqe për varret, Shqipëria u fut shpejt në llogore dhe është turp dhe fatkeqësi që ta humbim këtë avantazh. ë tej Rama shtoi se duhet të dalim nga kjo luftë të fituara dhe mos numërojmë mijë , e mijëra jetë të humbura dhe të gjejmë varre 10-tra kilometra larg.

”Nuk duhet të humbasim një mal me njerëz. Duhet durim, durim. Kur bëni pazar mos rrini grumbull, por rrini 1 metër të paktën larg me kurriz. Pse është kaq e vështirë. Ç’lidhje kanë oraret me qëndrimin në radhë. Ç’lidhje kanë oraret me ecjen dyshe apo treshe. Këto janë shërbime që I bëhen armikut. Pikërisht në grumbullimet dhe gjen shesh dhe bën përsheshin e hidhur.

Shiheni çcndodh në botë, me kapacitete shumë më të mëdha po mendojnë për kapacitete sipërfaqe të varreve pasi nuk përballin dot agresionin progresiv dhe marrjen e frymës vetëm me spitale. Ne u futëm shpejt në llogore, dhe është turp të humbasim këtë avantazh për mustaqet e Çelos. Kush e ka menduar që kjo luftë do mbarojë pa humbje jetësh e ka gabim. Ç’do gjë që do të bëjmë ne , kam përsëritur pa pushim, çdo gjë që bëjmë ne për mirë apo për keq duke u disiplinuar e ngadalësojmë humbjet e jetëve. Të dalim nga kjo luftë të fituara dhe mos numërojmë mijë , e mijëra jetë të humbura dhe të gjejmë varre 10 tre kilometra larg.

Lani duart, mbani në distancë të moshuarit dhe ti përqafoni kur të mbarojë, dhe jo t’i qani apo edhe të mos i varrosni siç duhet.

Forca e zakoneve është e tmerrshme, nuk është e pathyeshme. Nuk duhet të mundojmë trurin sa do zgjasë kjo luftë, por ditët t’I marrim një nga një. Kjo luftë fillon kur hapim sytë dhe përfundon kur mbyllim luftë. Të pabindurit do pakësohen, duke parë edhe buletinin e luftëarëve ku numri do të shtohet. Por s’mund të merret përpjetë dhe vdekjet të rriten për shkak të tjerëve. As zoti nuk na ndihmon po nuk ndihmuam vetën. Ta zmbrapsim këtë mortje nga shtëpia jonë. Disa humbje nuk I kemi në dorë por shmangjen e katastrogës e kemi ne dhe vetëm ne.”- tha Rama

Postimi i plotë

KJO ËSHTË NJË JAVË ZJARRI DHE HYJMË NË FAZËN MË DRAMATIKE TË LUFTËS, KU DUHET TË BËJMË ÇMOS TË GJITHË BASHKË, PËR TË ULUR SA TË JETË E MUNDUR HUMBJET E JETËVE DHE VUAJTJET E MËDHA QË SJELL KY ARMIK I EGËR!

REZISTENCË! REZISTENCË! REZISTENCË!

K.S/GotaNews


TË NGJASHME