HomeLajmi i Fundit

Kryenin vjedhje nëpër shtëpi, 4 në pranga

pranga

Policia në Lezhë vuri në pranga 4 persiona pasi vodhën në banesën e një shtetaseje kosovare.

Arritën të dilnin vetëm me një celular nga banesa ku ishin futur të grabisnin, e tentativa për t’i shpëtuar ndjekjes së policisë u ka përfunduar pas 20 minutash.

Sipas bluve, ky grup kryente vjedhje të banesave në qarkun Lezhë dhe u janë sekuestruar në momentin e ndalimit radio si ato të Policisë dhe mjete që shërbenin për kryerjen e vjedhjeve.

NJOFTIMI

Policia e Lezhës, pas sigurimit të informacionit se disa persona po vidhnin në banesën e shtetases F. M., në Shëngjin, kanë organizuar punën për kapjen e autorëve.

Në momentin që shërbimet e Policisë janë afruar në adresën e dhënë, autorët janë larguar me shpejtësi me automjet duke përfituar edhe nga errësira.

Policia është vënë në ndjekje dhe ka bërë të mundur që brenda një kohe të shkurtër, rreth 20 minuta, në vendin e quajtur “Kryqëzimi i Antagut”, në dalje të Shëngjinit, të bllokojë automjetin, së bashku me personat që qarkullonin në të.

Gjatë kontrollit fizik dhe në automjet, të ushtruar nga Policia, këtyre personave iu gjeten dhe sekuestruan në cilësinë e provës materiale: 1 aparat celular i vjedhur në banesë, një trapan që shërben për hapjen e dyerve, 2 palë doreza, 4 kaçavida dhe 3 radio si ato të Policisë.

Në vijim të veprimeve, specialistët për hetimin e krimeve në Komisariatin e Policisë Lezhë bënë arrestimin në flagrancë të shtetasve:

– Anton Frroku, 49 vjeç, banues në Ishull, Shëngjin;
– Rushan Hysi, 25 vjeç, banues në Tepelenë;
– Hodo Sinanaj, 28 vjeç, banues në Tiranë;
– Ardian Selamani, 48 vjeç, banues në Lezhë;

Këta shtetas dyshohet se kanë kryer edhe vjedhje të tjera në qarkun Lezhë e më gjerë dhe në bashkëpunim me Prokurorinë vijon puna për dokumentimin e tyre