HomeSociale

Lajm i mirë! Ja qytetet shqiptare që “shpëtojnë” nga COVID-19

Ministria e Shëndetësisë njoftoi sot se Berati, Lezha, Mirdita, Rrogozhina dhe Tropoja janë zona ku të gjithë të prekurit deri tani nga COVID 19 , janë aktualisht të shëruar.

Gjatë 24 orëve të fundit, 11 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 356.

Prej më shumë se një jave, numri i të shëruarve është më i lartë se numri i personave të infektuar aktivë.

Në dy spitalet COVID aktualisht po marrin shërbim 40 pacientë. Në shërbimin infektiv aktualisht janë 33 të shtruar. 4 pacientë janë në terapi intensive. Në spitalin COVID 2 “Shefqet Ndroqi”, janë 7 pacientë të shtruar. 4 pacientë janë në terapi intensive, në gjendje të rënduar.

K.S/GotaNews


TË NGJASHME