HomeLajmi i Fundit

Liqeni Artificial, 60-vjeçarja tenton të vrasë veten

Policia bashkiake e Tiranës ka shmangur një tragjedi sot në Liqenin Artificial në kryeqytet. Një ndërhyrje në momentet kritike e punonjësve të policisë Bashkiake të Tiranës ka rezultuar me fat për një grua sot në zonën e Liqenit Artificial.

Një grua rreth të 60-ave ka tentuar të varë veten, por fatmirësisht veprimi i saj është pikasur në kohë. Punonjësit e policisë Bashkiake në patrullimin e tyre të zakonshëm kanë shquar veprimin e gruas dhe menjëherë i kanë dhënë asaj ndihmën e shpejtë.

Më pas është lajmëruar policia e Shtetit dhe ambulanca e cila e ka transportuar gruan për një ndihmë më të specializuar në spital. Ndërkaq, gjatë lëkundjeve sizmike që prekën kryeqytetin muajin e fundit dhe reshjeve të shiut, Policia Bashkiake dha një ndihmë shumë të rëndësishme ndaj njerëzve në nevojë.