HomeSociale

Llogara/ Shpërthim gazi në një hotel, plagosen pronari dhe 2 punëtorë

Ditën e djeshme një shpërthim gazi ka ndodhur të mërkurën në një hotel në Vlorë.

Sipas policisë pronari i hotelit në Llogara, T.M 63 vjeç, bashkë me dy punëtorë të tjerë kanë qenë duke  bërë lidhjen e sobës me gaz ku ka ndodhur një shpërthim gazi.

Si pasojë është dëmtuar lehtë pronari bashkë me punëtorin E.S, 38 vjeç, të cilët po marrin mjekim në Spitalin e Vlorës.

Ndërsa punëtori tjetër Xh. Dh., 20 vjeç është dërguar në Spitalin Ushtarak Tiranë për mjekim më të specializuar.

Policia ka arrestuar në flagrancë për “Shkeljen e rregullave të mbrojtjes në punë”, 63-vjeçarin.

Materialet iu referuan Prokurorisë për veprime të mëtejshme.


TË NGJASHME