HomeShëndeti

Lodhja e tepërt zgjati 13 vite / Sindroma që prek miliona njerëz në botë

“Zgjohem vonë, dhe kur shkoj në kuzhinë përplasem me diçka. Do ishte mirë nëse do ma sillnin mëngjesin në shtrat, por burri im punon me kohë të plotë. Ha pak dhe dëshira më e madhe është që të shkoj sërish në shtrat e të fle, edhe pse e ndjej dhimbjen e trupit dhe qëndrimi gjithë kohës në shtrat. Këtë ndjesi kam ndjerë çdo mëngjes 13 vitet e fundit. Vuaj nga encefalomelitis mialgjik, i njohur si ME por shumë pak e dinë se çfarë është. Është sindromë e lodhjes kronike ( CSF).  Rreth 250 mijë njerëz në Angli janë të prekur por kurë nuk marrin dhe arsyet nuk i di. Unë jam një prej tyre. Dikur isha e re e shëndetshme, notoja shumë, kërceja, argëtohesha dhe nuk flija herët, në fakt gjumi ishte gjëja e fundit që më shkonte ndërmend mes gjithë dëshirës për aktivitete të ndryshme. E gjitha filloi në moshën 22 vjeçe, koha kur kisha gjithë jetën përpara. Por …bam… më goditi kjo sindromë. Lodhje, dhimbje muskujsh, dhimbje koke, zhurmë ne veshë e lista vazhdon. Mjeku më thoshte: Ke thjesht lodhje, mundohu të flesh mirë dhe herët, do jesh mirë pas pas një jave. Më pas më thonin se do bëhesha mirë pas një muaji, e kështu u kthye në vit e më pas më shumë se një dekadë.

Është një ndjesi ku të duket sikur diçka të thith shpirtin dhe ta largon nga trupi. Dikur notoja ndërsa tani sporti më i fuqishëm që mund të bëj është… thjesht një dush. Me aktivitet unë nënkuptoj tashmë, të ngrënit, të veshurit, të ulurit në kopsht për disa minuta e më pas navigim në internet. Pushimi për mua nuk do të thotë të shohësh televizor. Oh jo… Truri im është aq i lodhur, po aq  sa trupi im. Është pak a shumë sikur të ka zënë gripi e ndërkohë duhet të ngjisësh malin Everest. Duket sikur ke veshur këpucë që peshojnë 50 kile. Kjo më ndodh rreth 50% të kohës. Unë kurrë nuk e kam imagjinuar se në moshën 35 vjeç do më duhej të flisja për 13 vitet e fundit të jetës sime, për këto probleme. Por unë ndodhem këtu, dhe këtu do vazhdoj të qëndroj. Së bashku me mua janë edhe rreth 17 milion bashkëvuajtës. Tani për tani askush nuk e di se çfarë është sindroma ME dhe çfarë lloj ilaçesh e kurojmë. Deri sa kjo të zbulohet, le ti japin shpresë dhe forcë vetes/tiranapost.al


TË NGJASHME