HomeLajmi i Fundit

Londër, gjenden bomba në pika kyçe të qytetit

Ditën e martë në Londër janë dhënë alarme për bombë ndërsa njësitë speciale të Policisë Metropolitane janë përqendruar në aeroportin e “Heathrow”, “London City Airport” dhe “London Waterloo”, ku janë konfirmuar të gjetura tre bomba.

Një hetim për një sulm të mundshëm terrorist ka nisur pasi janë gjetur tre pajisje të përshkruara si “qese postare të bardha A4”.

Scotland Yard tha se oficerët po i trajtojnë incidentet si të lidhura me njëra-tjetrën dhe po hetojnë për të zbuluar autorët, ndërsa raportohet se askush nuk është plagosur.

Policia zbuloi pajisjen e parë në orën 9:55 në Qendrën Compass pranë Heathrow, pastaj në orën 11:40 u gjet një bombë në Waterloo Station dhe në 12:10 një pajisje e ngjashme u zbulua në City Aviation House, afër London City Airport, njofton GSH.

Në një deklaratë, Scotland Yard tha: “Komanda e Policisë ka nisur një hetim pasi tre pako të dyshimta u gjetën në ndërtesat në Londër”.

Të gjitha çantat postare të bardha me madhësi A4, që përmbajnë material të verdhë Jiffy,  janë vlerësuar nga oficerë specialistë si pajisje të vogla shpërthyese të improvizuara.