HomeLajmi i Fundit

Luksemburg, të plagosur dhe dëme materiale nga një tornado

Një tornado, fenomen i rrallë meteorologjik për vendin, plagosi 19 persona dhe dëmtoi të paktën 100 shtëpi në jugperëndim të Pettingenit dhe Kaerjengut në Luksemburg.

“Specialistët po verifikojnë dëmet, ndërkohë që po koordinohemi për riparimin sa më shpejt të shtëpive”, deklaroi Paul Schroeder, drejtor i përgjithshëm i shërbimit antizjarr dhe shpëtimit i Luksemburgut, sipas së përditshmess franceze ”L’Essentiel”.

Kjo tornado goditi edhe Francën, por në një shkallë të ulët force.

Dëme ka pasur edhe në Gjermani dhe Britaninë e Madhe, ku shumë evente janë shtyrë për shkak të motit të keq.//ATSH