HomePolitikë

LVV-LDK, askush nuk di asgjë pas darkës në vilën e Isës


HomeLajmeAktualitet

LVV-LDK, askush nuk di asgjë pas darkës në vilën e Isës

By RedaksiaLexo -25/01/2020 17:01

Zyrtarë të Lëvizjes Vetëvendosje dhe të LDK-së nuk kanë dhënë asnjë lloj deklaratë një ditë pas takimit mes dy krerëve. Mediat kosovare shkruajnë se takimi është pasuar nga një heshtje nga zyrtarët e partive përkatëse të Albin Kurtit dhe Isa Mustafës, të cilët u takuan një natë më parë në vilën e liderit të LDK’së në Prapashitcë.E vetmja që gjë kanë thënë dy përfaqësuesit e partive është se s’mund të japin detaje në lidhje me këtë takim.

Ndërkohë, disa zyrtarë të këtyre partive kanë thënë se Kurti e Mustafa prapë janë marrë të takohen përsëri për të arritur marrëveshjen për bashkëqeverisje. Nuk duhet nëse Vetëvendosje ka pranuar të lëshojë pozitën e Kryetarit të Parlamentit dhe as nëse LDK ka hequr dorë nga pozita e Presidentit.

Pozita këto që kanë bllokuar arritjen e një marrëveshje për ndërtimin e Qeverisë së re. Kanë kaluar më shumë se 110 ditë prej se janë mbajtur zgjedhjet nacionale dhe gati një muaj prej se është konstituuar Parlamenti i Kosovës. Për të mundësuar arritjen e një koalicioni, Vetëvendosje ka propozuar të rrisë numrin e Ministrive në 14, duke ia dhënë LDK’së 6.

Mirëpo, Partia e Isa Mustafës ka refuzuar, duke mos pranuar të lëshojë pe për Kryeparlamentarin. Dy liderët e partive, VV-së dhe LDK-së patën ndërprerë takimet për më shumë se një javë dhe komunikimin e vetëm publik e kanë bërë me shkëmbimin e dy letrave të cilat përmbajnë ofertat e njëra tjetrës se si të formohet qeveria. Lëvizja Vetëvendosje dhe Lidhja Demokratike kanë dështuar të arrijnë marrëveshje edhe më shumë se tre muaj prej se kanë përfunduar zgjedhjet.

Madje, s’janë pajtuar për ndarjen e pozitave as pas votimit të Kryetarit të Kuvendit në fund të vitit të kaluar. Prej gjashtë muajsh, Kosova vazhdon të funksionojë me Qeveri në dorëheqje. Albin Kurti dhe Isa Mustafa ishin takuar një ditë pasi kishin përfunduar zgjedhjet e 6 tetorit. Kishin thënë se koalicioni do të arrihej më së largu 72 orë pasi të certifikoheshin zgjedhjet.


TË NGJASHME