Botë Lajme Lajmi i Fundit

Mbi 9500 vatra zjarri në Amazonë

Zjarret në pyjet tropikale të Amazonës kapin shifra rekord në vatra masive. Sipas autoriteteve të dhënat satelitore treguan rritje prej 83 përqind më shumë të hapësirës së djegur në të njëtën përiudhë në vitin 2018. Agjencia hapësinore raporton se të dhënat e saj satelitore kanë zbuluar më shumë se 72.000 zjarre që nga janari i vitit 2019.

Dendësia e tymit ka shkaktuar ndërprerje të punës gjatë ditës në qytetin më të madh të Brazilit, Sao Paolo rreth 1700 milje larg nga vatrat e zjarrit.

Meterologia e Climatempo Joselia Pegorim u shpreh se tymi i dendur ne Sao Paolo erdhi si pasoje e ndryshimit të frontit te erërave të ftohta nga Rondonia dhe Bolivia zona të pyllit tropikal të Amazonës. Tymi i dendur që vijon prej disa ditësh është paraqitur edhe në imazhet staelitore të kapura nga NASA.

Sipas autoriteteve, vatrat e zjarrit shpesh ndodhin në sezonin e thatë në Brazil por këtë vit ka qenë më shumë se normalja.

Zjarret në Pyllin tropikal të Amazonës kanë filluar me qëllim për të shpyllëzuar tokat në mënyrë të paligjshme për bagëtitë. Agjencia hapësinore tha se kishte zbuluar më shumë se 72000 zjarre përgjatë muajve midis janarit dhe gushtit dhe më shumë se 9500 zjarre që nga e enjtja kryesisht në Amazonë.

Disa konservatorë kanë fajësuar presidentin brazilian Bolsonaro për zjarret në Amazon duke thënë se vetë ai ka inkurajuar femermerët për të shpyllëzuar tokën.

Bolsonaro tha që nuk pajtohet me të dhënat e paraqitura duke thënë se ishte ‘sezoni i shpyllëzimit’ kur fermerët përdorin zjarr për të pastruar tokën.

Pyjet tropikale të Amazonës kanë qenë rezistent ndaj zjarrit për pjesën më të madhe të kohës për shkak të lagështirës natyrore por NASA ka thënë se thatësira dhe aktivitet njerëzore po shkaktojnë zjarret që shkatërrojnë ekosistemin dhe ndryshojnë klimën antopogjene. Ricardo Mello, drejtues i Programit Amazon të Fondit Botëror për Natyrën shtoi se zjarret ishin një pasojë e rritjes së shpyllëzimit të parë në shifrat e fundit

Për shkak të zjarreve në pyjet tropikale në Amazonë është e vështirë të parashikohet saktësisht kur kanë filluar në këto pyje, sidoqoftë ato janë shtuar kohët e fundit me më shumë se 9500 vatra që ka të ngjarë të rritet në javët e ardhshme.

Zjarre masive kanë përshirë edhe pyjet e Tajgës në rajonin Krasnoyarsk të Siberisë ku sipas autoriteteve vendase, intensiteti i zjarrit nuk ka shënuar rënie.  Zjarri ka përfshirë një sipërfaqe prej 4.3 milion hektarësh kjo e barasvlefshme me një zonë më e madhe se shteti i  Danimarkës. Që nga fillimi i vitit janë djegur gjithsej 13.1 milion hektarë pyje të Tajgës.

Zjarret në pyjet e Taigës janë përhapur çdo vit, por zjarret e kësaj vere kanë arritur në madhësi dhe forcë të pakrahasueshme me asnjë vit më parë. Zjarret e Siberisë po lëshojnë më shumë se 166 Megaton dioksid karboni – afërsisht sa 36 milion makina emetojnë në vit.  Në pyjet e Siberisë janë të rrezikshme për klimën pasi ato janë burimi i karbonit të zi që bie me dëborën në akullin e Arktikut dhe përshpejton shkrirjen e tij.

“Këto zjarre duhej të ishin shuar në fillim, por nuk u morën parasysh për shkak të politikave të dobëta. Tani është rritur në një katastrofë klimatike që nuk mund të ndalet me mjete njerëzore. Rusia duhet të rrisë përpjekjet për mbrojtjen e pyjeve dhe të sigurojë fonde të mjaftueshme për zjarrfikësin dhe parandalimin e tyre. Problemi i zjarreve duhet të adresohet në nivelin ndërkombëtar në marrëveshjet globale të klimës për të mbajtur ngrohjen globale nën 1.5 ° C” tha eksperti i zjarrit në tokë të egra Greenpeace Rusi dhe zjarrfikës vullnetar Anton Beneslavskiy.

Ekspertët e Greenpeace Rusia paralajmërojnë se situata ka të ngjarë të mbetet katastrofike në dy javët e ardhshme për shkak të kushteve të motit. Ndërsa tymi ka përfshirë qytetet kryesore të Siberisë si dhe në vendbanime në zona të largëta pyjore, sipas raporteve të Greenpeace Rusi nga rajoni i Krasnoyarsk.

Më shumë se 90%  e zonve të përfshira nga flakët janë në zonat e quajtura të kontrolluara në të cialt autoritetet nuk janë të detyruara të luftojnë zjarret dhe Greenpeace Rusia kërkon një rishikim të zonave të kontrollit për të parandaluar fatkeqësinë nga zjarri që të ndodhë vitin e ardhshëm. Shumë nga zjarret në zonat e kontrollit këtë vit mund të ishin shuar në një fazë të hershme, gjë që do të zvogëlonte ndjeshëm zonën e mbuluar nga zjarri, tymin e vendbanimeve dhe emetimet e CO2 në atmosferë.

Related posts

Deklarata e Salianjit: Ka forma të shumta për të ndalur zgjedhjet

Mila

Grabitja në Rinas, policia: 10 mijë euro shpërblim kush jep informacion

Xhensila Gotanews

Qëllon me armë pronarin e lavazhit

Mila
Na Kontaktoni!