HomePolitikë

Meta: Ja përgjegjësi për situatën në Gjykatën Kushtetuese

meta

“Është një moment kritik për të ardhmen e vendit, dialogu është kyç. Të punojmë fort drejt integrimit Europian. Të lënë mënjanë debatet sa i përket Gjykatës Kushtetuese dhe të ngrenë një institucion të besueshëm. Është dialogu që është kaq i rëndësishëm në këtë çështje, institucionet e njohin kushtetutën, jemi këtu për të mbështetur zbatimin e reformës zgjedhore”.

Kështu do të deklaronte këtë të hënë ambasadori i BE-së në Tiranë, Luigi Soreca.  Por për kaosin e krijuar për Gjykatën Kushtetuese, përgjigje mori nga kreu i shtetit.

“Nuk kam nevojë të më përkrahë Soreca. Soreca është përgjegjës për situatën e sotme në Gjykatën Kushtetuese. Unë ja kam thënë në zyrë kur më ka ardhur me Danielsson. Më foli për suksese, por unë i thashë se ishim ka Gjykatë Kushtetuese, pa Gjykatë të Lartë. KED-në e prishi Rama me ambasadorët. U duhej një Dvoran që të bënin atë që bënë” – tha Meta.

Presidenti njoftoi se do të kallëzojë penalisht në prokurori kryetarin e Këshillit të Emërimeve në Drejtësi, Ardian Dvorani, për shpërdorim detyre dhe përvetësim i titullit, apo detyrës shtetërore gjatë procedurave për zgjedhjen e anëtarëve të Gjykatës Kushtetuese.
Sipas tij, zoti Dvorani synoi krijimin e një gjendje anti-kushtetutshmërie, duke e vendosur presidentin e Republikës në pamundësi kushtetuese, dhe u përpoq të krijojë një gjendje të faktit të kryer ndaj presidentit.

Parlamenti me shumicë socialiste miratoi një rezolutë, sipas të cilës, dekretimi i zonjës Marsida Xhaferllari si anëtare e Gjykatës Kushtetuese nga presidenti Meta është vlerësuar si një akt “i pavlefshëm dhe i paprecedent” dhe “një përpjekje për të bllokuar dhe zvarritur procesin e formimit të Gjykatës Kushtetuese”.

Në një intervistë televizive Meta theksoi se kryeministri Rama nuk ka mbështetjen e ndërkombëtarëve pasi “po të kishte mbështetje ndërkombëtare do të çeleshin negociatat” tha ai.

Ai komentoi gjithashtu deklaratat e ambasadave në mbështetje të zgjedhjes së anëtarëve të Gjykatës Kushtetuese duke thënë se dekretin e tij “e ka mbështetur Kushtetuta” dhe se nuk është e nevojshme që të mbështetet nga asnjë ambasadë.

Reformën në drejtësi Meta e konsideroi të dështuar dhe për këtë bërë drejtpërdrejtë përgjegjës kryeministrin Rama dhe disa ambasadorë të cilët nuk kanë reaguar pasi kanë kuptuar se janë shpërdoruar fondet shpenzuara për reformën.

“Rama dhe ambasadorët janë përgjegjës për dështimin e reformës në drejtësi. Janë shpenzuar nja 200 milionë euro dhe tani që kanë dështuar ata thonë që kjo është sukses, por e bllokon, Meta, e bllokon ky, e bllokon ai. Janë bashkëpërgjegjës. Ata rrinë bashkë, po t’ua shikosh telefonat, rrinë të gjithë bashkë.

Nuk kam forcë korruptuese ndaj ambasadorëve dhe sepse jam President i Republikës. Tani do të jem i drejtpërdrejtë se shumë i kemi përkëdhelur. Unë do të tregohem i drejtpërdrejtë për secilin vagabond ndërkombëtar.

Një njeri që vjen te zyra e Presidentit të Republikës dhe bën sikur nuk di megjithëse i di të gjitha se ka ndenjur me Ramën. Nuk mund ta shantazhojë njeri presidentin e Republikës. Ta harrojnë këtë!” 

Opinion.al


TË NGJASHME