HomeSociale

Meta shpreh keqardhje: Muhamed Liko një artist i madh

Presidenti i Republikës Ilir Meta përmes një postimi në “Facebook” shprehet se ndjen keqardhje të thellë për ndarjen nga jeta të Muhamed Likos, një nga paradistët e Vlorës.

Meta thekson se “sot u nda nga jeta një artist i madh, që me humorin e tij bëri të gjithë për të qeshur”.

Statusi i Metës:

Me hidhërim mësova lajmin e trishtë të ndarjes nga jeta të aktorit të spikatur të humorit shqiptar, njërit prej parodistëve më të dashur të Vlorës, Muhamet Liko.

Ashtu si për të gjithë artdashësit dhe simpatizantët e Tij të panumërt, kjo humbje e parakohshme dhe e pazëvendësueshme më ka prekur thellë.

Mjeshtri i Madh i skenës, Muhamet Liko do të mbahet mend përherë për paroditë, skeçet, humorin karakteristik e rolet gazmore, nëpërmjet të cilave jo vetëm falte momente të pashlyera argëtimi, por njëkohësisht stigmatizonte me plot mençuri plagët sociale të shoqërisë shqiptare.

Duke ndarë dhimbjen e thellë për humbjen e këtij artisti të madh, i përcjell ngushëllimet më të sinqerta bashkëshortes dhe fëmijëve, të afërmve dhe gjithë bashkëpunëtorëve të Tij.

I paharruar do të mbetesh parodisti ynë i dashur!


TË NGJASHME