HomeSociale

Meta takim me presidentin e FSHF, ja çfarë u diskutua

Presidenti Ilir Meta ka zhvilluar sot një takim me Presidentin e Federatës Shqiptare të Futbollit Armand Duka.

Ndikuar edhe nga situata e krijuar në botën e sportit në vendin tonë për shkak të pandemisë COVID-19, Meta thotë se futbolli duhet të rinisë duke respektuar masat kundër pandemisë.

“Kënaqësi të prisja sot Presidentin e Federatës Shqiptare të Futbollit, z.Armand Duka, i cili më njohu me protokollin sanitar të përgatitur nga ekipi mjekësor i FSHF-së, sipas udhëzimeve të UEFA-s, për rifillimin e aktiviteteve futbollistike sa më parë të jetë e mundur. Besoj se me përpjekje dhe mirëkuptim, ashtu si edhe në shumë vende të tjera, edhe ne t’i rikthehemi në kushtet e reja dhe me protokollin e duhur sanitar, jetës futbollistike, por edhe sportive në vend. Nuk ka vaksinë më të mirë për mbrojtjen e shëndetit se sa sporti,”-shkruan Meta.


TË NGJASHME