HomePolitikë

Ministri gjerman: “Po” çeljes së negociatave me Shqipërinë dhe Maqedoninë e Veriut

Ministri gjerman i Evropës, Michael Roth, përmes një postimi në “Twitter”, ka njoftuar se Këshilli i Ministrave të BE-së, në një video-konferencë të zhvilluar të martën në mesditë, ka vendosur të japë dritën e gjelbër për çeljen e negociatave me Shqipërinë dhe Maqedoninë e Veriut.

Vetë ministri gjerman e cilëson këtë vendim të BE si një lajm të mirë në këto kohë të zymta të COVID-19.

“Lajm i mirë në këto kohë të zymta: më në fund drita jeshile në video-konferencën e sotme të Këshillit të Ministrave për Evropën për çeljen e negociatave të anëtarësimit në BE me miqtë tanë nga Maqedonia e Veriut dhe Shqipëria. Fitore për BE-në dhe Ballkanin Perëndimor. Urime Tiranës dhe Shkupit”, ka shkruar në twitter ministri gjerman i Evropës.

K.S/GotaNews


TË NGJASHME