Botë Lajme Sport

Ministri italian paralajmëron dënime të ashpra për racizmin në stadiume

Ministri i ri i sportit i qeverisë italiane është zotuar të eliminojë racizmin nga stadiumet e futbollit “me sanksione më të ashpra dhe efikase”.

Vincenzo Spadafora i tha gazetës spanjolle El Pais se “eleminimi i racizmit nga shoqëria është një proces i gjatë”, por se ai do të punojë në këtë drejtim gjatë mandatit “madje edhe me koston e marrjes së vendimeve jopopullore”.

Ministri italian shtoi gjithashtu se tashmë ka ardhur koha kur të gjithë duhet të marrin përgjegjësinë: institucionet, politikanët, federatat dhe tifozët.

Komentet e tij bëhen pas tri rasteve të thirrjeve raciste, gjatë katër ndeshjeve të ligës italiane Serie A.

Tre lojtarë me ngjyrë – Romelu Lukaku i Interit, Franck Kessie i AC Milan dhe Dalbert Henrique i Fiorentina – janë shënjestruar nga thirrjet fyese.
Por, asnjë dënim nuk është shqiptuar nga ligat, federatat apo policia italiane./REL

Related posts

Humb në Mallakastër një familje italiane

Xhensila Gotanews

“Sunny Hill Festival”, Dua Lipa surprizon publikun

emanuela

Njoftimi i rëndësishëm, çelet sot thirrja e dytë për …

Klaudia gotanews
Na Kontaktoni!