HomeLajmi i Fundit

Ministrja Etilda Gjonaj paraqet masat lehtësuse për burgjet

Ministrja e Drejtësisë, Etilda Gjonaj ka prezantuar masat lehtësuese për burgjet.

Gjatë takimit të saj me drejtuesit e burgjeve, ajo ka bërë me dije se do të rinisin takimet e familjarëve me të dënuarit, si dhe do të jepet sërish e drejta për të marrë leje të veçanta.

Po ashtu do të rinisin aktivitetet sociale dhe kulturore.

Sa i takon familkjarëve të cilët do të duan të takojnë të afërmit e tyre të burgosur, do të duhet të jenë të pajisur me certifikatën e vaksinimit, testin negativ ndaj COVID-19 ose një test që vërteton se e ka kaluar COVID.

Të miturit mund të zhvillojnë 4 herë takim me familjarët në muaj. Po ashtu lejet e veçanta apo shpërblyese për të dënuarit mund të jepen vetëm për rastet mortore.

FJALA NGA ETILDA GJONAJ

Mbi lehtësimin e masave, grup teknik i ngritur  në MD me personel shëndetësor kanë vlerësuar, kanë propozuar lehtësimin e disa masave për një periudhë të përkohshme, duke monitoruar situatën.

Sa i përket lehtësimit të masave kufizuese, për një periudhë të përkohshme, është bërë dhe një vlerësim të sugjerimeve, si dhe referuar disa praktikave të vendeve europiane që kanë filluar të lehtësojnë kufizimet duke mbajtur në konsideratë situatën e popullatës.

Lehtësimi i masave kufizuese në sistemin e burgjeve do të jetë në 3 drejtime:

1-Rifillimin e kufizuar të takimeve  me familjarët

2-Rifillimin e dhënies së lejeve të veçanta

3-Rifillimi i aktiviteteve sociale e kulturore

Konkretisht masat e reja fillojnë nga 14 qershori për një periudhë në monitorim nga të gjitha strukturat shëndetësore. Konsiston konkretisht në:

Rifillimin e lejimit të takimeve, 1 takim në muaj, me distancë, kontroll shëndetësor kur familjari duhet të paraqesë dokumentin e testit apo vaksinimit, apo teste të tjera që tregojnë se kanë kaluar COVID.

Gjatë takimeve do të respektohen masat anticovid. Për të miturit e dënuar 4 takime në muaj.

Po ashtu do të vijohet të ruhet praktika shumë e mirë e komunikimeve online me Skype. Gjithashtu do të rifillojnë dhëniet e lejeve të veçanta, të datës 22 janar 2021, për përcaktimin e procedurave të lejeve shpërblyese apo të veçanta, do jenë vetëm për rastet mortore.

Për sa i përket rifillimit të aktiviteteve, do të respektohen rregullat anticovid, për të rehabilituar dhe edukuar të dënuarit. Do të fillojnë në mënyrë të kufizuar.

Të tjerat, për masat anticovid, do të vijojnë të jenë në fuqi. Ky lehtësim i masave kufizuese kërkon vëmendje maksimale nga drejtuesit, kërkohet nga ju monitorim i përditshëm për mbrojtjen e shëndetit dhe jetës së të dënuarve.


TË NGJASHME