HomeSociale

Në shkurt nis vettingu në Polici

VettinguPolici pritet të nisë brenda muajit shkurt.

Tashmë është ngritur Komisioni i Jashtëm i Vlerësimit por në zbatim ky proces mund të hasë probleme.

Vettingu në radhët e uniformave blu parashikon që nëse kalojnë “ filtrat ”, në detyrë mund të kthehen edhe ish-punonjësit e liruar, një ftesë kjo që bie ndesh me vetë ligjin e policisë, ku penalizohet çdo ish-efektiv që ka mbi 2 vite jashtë strukturave.

Për këtë “ngërç” ligjor shqetësim paraqitën edhe vetë deputetët e mazhorancës në nënkomisionin parlamentar për vettingun në polici ndërkohë që opozita nuk ka dërguar anëtarët e saj duke e cilësuar procesin një farsë.

“Komisioni i Jashtëm do vlerësoje të gjithë kërkesat dhe vetëdeklarimet e punonjësve dhe besoj se do realizohet”.

Para komisionit të jashtëm të vlerësimit, do dalin të parët 296 drejtues të policisë me grada madhore duke nisur me kryepolicin Ardi Veliu. Vettingu për pastrimin e radhëve të policisë pritet ti kushtojë buxhetit të shtetit rreth 3 mln euro.


TË NGJASHME