HomeShëndeti

Nuk e kishit vënë re, por këto gjëra e përkeqësojnë gjendjen tuaj kur jeni me grip

Jemi në sezon gripi, kështu që disa këshilla ekstra se çfarë duhet dhe çfarë nuk duhet të bëni, nuk ju bëjnë aspak keq. Nëse mendoni se dini gjithçka rreth gripit, e keni gabim.

Në shumicën e rasteve, kur jemi me grip bëjmë gjëra të cilat në vend që të na ndihmojnë të shërohemi, e përkeqësojnë gjendjen tonë.

Cilat janë këto gjëra që e përkeqësojnë gjendjen tuaj kur jeni sëmurë?

Anashkaloni pushimin

Trupi plogështohet kur është sëmurë dhe i shterojnë energjitë, prandaj ai ka nevojë për pushim absolut. Anulojini të gjitha planet dhe jepini vetes kohë për t’u ndjerë më mirë.

Injoroni simptomat

Simptomat e gripit dhe të ftohurës janë mëse të kuptueshme, prandaj nuk duhet të anashkaloni nevojën për të marrë solucionet tretëse kundër gripit menjëherë brenda 48 orëve të para të sëmundjes. Ato do të lehtësojnë simptomat dhe do t’i shkurtojnë ato.

Hiqni dorë nga gjumi

Mungesa e gjumit dobëson sistemin imunitar dhe e bën më të vështirë betejën kundër gripit dhe të ftohurës. Ekspertët thonë se njerëzit që flenë më pak se gjashtë orë janë katër herë më të rrezikuar nga sëmundje të tilla.

Merrni antibiotikë

Antibiotikët luftojnë vetëm bakteret, ndërkohë që e ftohura dhe gripi shkaktohen nga virozat. Një e treta e antibiotikëve që jepen me recetë në raste të tilla, janë krejt të panevojshme. Për më tepër, ato shfaqen me efekte anësore, siç është diarreja në rastin më të mirë dhe rezistenca e trupit ndaj antibiotikut në rastin më të keq.

Nuk pini mjaftueshëm lëngje

Trupi kur është i sëmurë ka nevojë për më shumë lëngje, jo vetëm për t’u hidratuar, por edhe për të çliruar rrugët e frymëmarrjes. Pini sa më shumë çajra dhe hani supë pule rregullisht sa herë që të keni ftohje ose grip.

Nuk ushqeheni

Kur jeni me grip ose të ftohur, oreksi është i pari që ikën, por kjo nuk do të thotë që nuk duhet të hani. Kaloritë dhe ushqyesit tek ushqimet e ndihmojnë imunitetin të jetë më i fortë dhe të luftojë virozat më me efikasitet.

Duhani

Duhani nuk duhet pirë kur jeni sëmurë, sepse do të dëmtojë mushkëritë dhe irritojë fytin. Hiqni dorë nga cigarja dhe qëndroni larg ambienteve me tym duhani.

Stresi

Stresi çliron hormone që e dobësojnë imunitetin dhe i hapin rrugën inflamacionit. Simptomat ikin më me vështirësi kur jeni të stresuar, ndaj ruani toruan.

Burimi: AgroWeb.org


TË NGJASHME