HomePolitikë

Pas vendimit për Kajmakun, reagon Vasili, Pollo dhe Alibeaj

Nënkryetari i LSI-së Petrit Vasili ka reaguar përmes një postimi në facebook, lidhur me vendimin e sotëm të KQZ për shkarkimin e kreut të bashkisë Vorë, Agim Kajmaku.

“Largimi i Kajmakut vulos, që votimet e 30 qershorit ishin kriminale.” shkruan Vasili ndërsa thekson se Edi Rama ka rënë politikisht e moralisht.

Statusi i Plotë:

Largimi i Kajmakut vulos,qe votimet 30 qershorit ishin kriminale.
Edi Rama per faqe te zeze.
Edi Rama kandidoi vetem,votoi vetem dhe numeroi vetem dhe ne fund prodhoi te inkriminuar.
Edi Rama ka rene perfundimisht politikisht,moralisht dhe psikologjikisht.
S’ka kohe per te humbur.
Zgjedhje me sa pare qe te shpetojme Shqiperine nga gremina!!

“Hap pozitiv si dhe fund i paralajmëruar” – kështu e ka konsideruar ish deputeti i PD, Genc Pollo vendimin e KQZ për shkarkimin e kryebashkiakut të Vorës, Agim Kajmaku, ndërsa thekson se lajmi është se deri tashti as Rama e askush nga taborri rilindist nuk tha një gjysëm llafi distancimi, ndjese, dënimi apo marrje përgjegjësie për Kajmakun.

“Hap pozitiv si dhe fund i paralajmëruar” – kështu e ka konsideruar ish deputeti i PD, Genc Pollo vendimin e KQZ për shkarkimin e kryebashkiakut të Vorës, Agim Kajmaku, ndërsa thekson se lajmi është se deri tashti as Rama e askush nga taborri rilindist nuk tha një gjysëm llafi distancimi, ndjese, dënimi apo marrje përgjegjësie për Kajmakun.

Statusi i plotë:

Hap pozitiv si dhe fund i paralajmëruar. Por lajmi nuk është shkarkimi i Kajmakut. Lajmi është se deri tashti as Rama e askush nga taborri rilindist nuk tha një gjysëm llafi distancimi, ndjese, dënimi apo marrje përgjegjësie për Kajmakun. As deri ditën kur PD i nxori letrat Kajmakut dhe rilindistët mud të pretendonin se “sdinim gjo”. Por as të hënën kur dolen sheshit letrat e Interpolit e Porkurorisë nuk folën. Madje deri sot kur u detyruan deri t’a shkarkonin me dorën e tyre në KQZ stoikisht heshtën. Dhe kjo heshtje, që nuk është gjë tjetër veçse përkrahje pa zë dhe qartë për kajmakët e shumtë, bie ku e ku më e rëndë se qyqari që donte të blinte fidane me dhrahmi fallco 20 vjet më parë. Në Italinë e jugut kjo njihej si omert; dhe ishte mjeti kryesor i mafies për të dominuar shoqërinë. Në Siçili ushtrohej nga bosët lokalë. Në Shqipërinë 2019 nga shefi i qeverisë. Prandaj të mbledhim mendtë se heqja e kajmakut cipa cipa është një gjë dhe çlirimi nga koka e mafies një tjetër gjë.

Image result for vasili pollo

Ish-deputeti i Partisë Demokratike, Enkelejd Alibeaj, i ftuar në rubrikën “Opinion” në News 24, foli për vendimin e KQZ-së, i cili me vota unanime, vendosi sot të shkarkojë nga detyra kreun e bashkisë së Vorës, Agim  Kajmakun.

Ai tha se kjo është një prej fitoreve të Partisë Demokratike, ndërsa shtoi se selia blu do të vijojë  pa pushim përballjen duke denoncuar çdo veprim të kundërligjshëm që kryhet nga qeveria dhe kryeministri, Edi Rama.

Sipas Enkelejd Alibeajt, zgjidhja e vetme që çliron Shqipërinë dhe lidhjet e krimit me politikën janë zgjedhjet e parakohshme. Ai u ndal edhe tek refoma zgjedhore, ku  dhe tregoi disa prej propozimeve të Partisë Demokratike.

Pjesë nga fjala e Alibeajt:

Pyetje: Ishte për ju një fitore kjo e sotmja?

Alibeaj: Po të duash  ta konsiderosh si një fitore, po mund ta thuash me plotë gojë. Fitore të tilla opozita ka pasur. Nuk ndihemi aspak mirë se këtë njerëz me në krye këta kryebashkiakë, qeverisin sot shqiptarin e thjeshtë. E kemi denoncuar këtë çështje që në muajin gusht, por  është zvarritur nga institucionet. Ky vetë sot me të madhe thotë se ligji ka triumfuar. Pse? Sepse ka shkarkuar një kriminel nga posti i kryetarit të bashkisë.  Pyetja që bën secili shqiptar, mirë që ka triumfuar sot ligji, kush e ka emëruar atë? E ka emëruar antiligji.  Ne si shoqëri po vuajmë këtë plagë të aliazhit krim-politikë. Për këtë arsye është imediate dhe kjo është prova e fundit, por do të ketë edhe të tjera. Ka  pesë vite, ku ky njeri vijon me të njëjtën ritëm, nuk është rastësi, por është projekt politik për të vjedhur vota dhe për të qeverisur në mënyrë kriminale. Shkaku i vetëm është që të heqësh arsyen që gjeneron këtë fenomen.

Unë besoj se zgjidhja, janë zgjedhjet e parakohshme, sepse ne besojmë se pas 5 vitesh që refreni i opozitës, por edhe ndërkombëtarëve është plaga e madhe e kriminalizimit të politikë dhe unë besoj se kjo është zgjidhja. T’ia japim të drejtën publikut shqiptar dhe të bëjë zgjidhjen e madhe dhe të presë nyjen Gordiane. Kjo është një situatë anoramale, e pranojnë të gjithë. Reformën  zgjedhore ka thënë Bundestagu se atë duhet ta bëjmë bashkë.  Pyetja është se pse duhet ta bëjmë reformën zgjedhore, pikërisht sepse kemi një deformim të madh të përfaqësimit të qytetarëve.  Rama kërkon kokëfortësi, kërkon reformën të njëanshëm. Ne kemi dhënë ofertë dhe ata nuk duan. Ne kemi thënë se kjo nuk duhet të bëhet midis dy palëve të mëdha, por duhet diçka tjetër, duke qenë se vota nuk është pronë e partisë politikë, por pronë e shqiptarit të thjeshtë. Pra duhet të bëhet në konsultim me shoqërinë civile. Prandaj kjo shkon më shumë se sa kaq. Ne jemi gati për të përpunuar dhe të adresojmë rekomandimet e OSBE-ODIHR.


TË NGJASHME