HomeTeknologji

Për të gjithë përdoruesit e ‘Apple’, ja defekti në sistemin operativ ‘iOS’

Një dobësi e re në sistemin operativ iOS Apple prek me qindra milionë iPhone, iPads dhe iPod.

Për rrjedhojë, hakerat, sipas revistës prestigjoze, po fërkojnë duart nga perspektiva e mundësisë që t`i heqin Appelit kontrollin mbi pajisjet e veta dhe të ngarkojnë çfarëdolloj soft-ueri që t`i pëlqejnë.

Ky lloj hakerimi, i mbiquajtur checkm8 nga një studiues që ka preferuar të mos idetifikohet me emrin e vërtetë, por vetëm si axi0mX, përbën “ një mundësi shfrytëzimi të përhershëm e të padiktueshëm për qindra miliona pajisje iOS”.

Kjo do të thotë se hakerat mund të marrin kodin e lëshuar nga axi0mX në Github dhe potencialisht të shkarkojnë firmware-in (bërthamën e sistemit operativ) në një iPhone.

Kjo nënkupton se do t`i hiqnin Apple kontrollin nga pajisja dhe mund të bënin çfarë të donin me të, ndonëse kjo do të kërkonte dhe disa veprime shtesë.

“Shumica e gjeneratave të iPhone dhe iPad janë të prekshëm: nga iPhone 4S (chip A5) tek iPhone 8 dhe iPhone X (chip A11)”, ka shkruar axi0mX në Twitter.

Por rreziku për përdoruesit është i kufizuar: Studiuesi tha që veprimi mund të “shkaktohet vetëm me USB”, dhe kërkon qasje fizike pasi nuk mund të kryhet në distancë.


TË NGJASHME